भांगरभूंय | प्रतिनिधी
म्हापशें ः वाडी, शिवोलेच्या थलासा रेस्टॉरन्टाच्या धनया आड परवानगी मर्यादे परस कर्कश आवाजांत संगीत वाजयिल्ले खातीर हणजूण पुलिसांनी गुन्यांव दाखल केला.
गोंय राज्य प्रदूशण नियंत्रण मंडळाची वांगडी सचीव डॉ. शर्मिला मोंतेरो हांणी ह्या प्रकरणांत पुलिशेंत कागाळ दाखल केल्या. मेसर्स थलासा ह्या रेस्टॉरन्टांत २२ डिसेंबराक रातचीं १० ते २३ डिसेंबराक सकाळीं ६ वरां मेरेन, तशेंच ३१ डिसेंबराक रातच्या १० ते १ जानेवारी सकाळीं ६ वरां मरेन परवानगी मर्यादे परस चड आवाजांत संगीत वाजयिल्ल्याचें प्रदूशण नियंत्रण मंडळाक कळ्ळें. आवाजाची तांक नोंद मिटरांत ६७.६ डेसिबल आनी ७१.७ डेसिबल प्रमाण संगीत वाजयिल्ल्याचें दिसून आयलें. जें आवाज प्रदूशण नेम मोडपी थारलें.
हे विशीं हणजूण पुलिसांनी मेसर्स थलासा रेस्टॉरन्टचे धनी आनी वेवस्थापका आड आवाजा प्रदूशण कायदो कलम ५ आनी पर्यावरण संरक्षण कायदो कलम १५ खाला गुन्यांव नोंद केला. फुडलो तपास पुलीस उपअधीक्षक संदेश चोडणकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
