भांगरभूंय | प्रतिनिधी
ऑक्टोबर सोंपता म्हणसर गोंयांत पावसाचो हंगाम सोंपून शिंयाचे दीस सुरु जातात. पूण अंदूं गोंयां सयत जायत्या हेर राज्यांनी केन्ना पावस, केन्ना वत तर मदींच शी असो हंगाम सुरु आसा. हाका लागून दीस भरात वातावरणात बरेंच बदल जातात. हवामान बदलत आसा. आनी ह्या बदलत्या हवामानाक लागून जायत्यो भलायकेच्यो समस्या निर्माण जाता. हांतूत मुखेल म्हळ्यार जोर आनी खोंकली येवपाची शक्यताय चड आसता. अशे परिस्थितींत स्वताक सुरक्षीत दवरप म्हत्वाचें. हें टाळपा खातीर वखदां घेवपाक परस कांय घरगुती उपाय केल्यार चड बरें.
१. आलें घालून च्या पियेवप – थंडी आनी खोंकली हें दोनूय त्रास जाता जाल्यार आलें घालून च्या पियेवप फायद्याचे.
२. आल्याचो आनी तुळशीचो काडो – आल्याचे च्या वांगडा आल्याचो काडो करून पियेवंक मेळटा. आल्याचो काडो करतना तांतूत म्होंव घालुनूय तो पियेवंक शकतात. तशेंच तुळशींच्या पानांचो काडो करुन पियेल्यार थंडे पसून सुटका मेळटा. आल्यांत अँटी- बॅक्टेरियल गुणधर्म आसतात, जे फ्लू, थंडी आनी खोंकली हांचे पसून सुटका दिवपाक मजत करता.
३. कोमट उदकान घोट घेयात – गळो दुखत आसल्यार हुळहुळीत उदकात काळें मीठ घालून घोट घेयात. अशें केल्यार गळ्यांतले जंतू नश्ट जातले.
४. हळदीचें दूद पियेवचें – बदलत्या हवामानांत हाडां आनी स्नायूंक दुखपाचो त्रास जाता जाल्यार दूद गरम करुन तांतूत हळद घालून तें पियेवप फायद्याचें. अशें केल्यार खोकले पसून सुटका मेळटा.
५. नाकांत तेल घालात – तुमका सोयीचें आसल्यार मोहरीचे तेल वा शुद्ध देशी तूप नाकांत घालू शकतात. हे खातीर पयलीं ते मात्शे गरम करचें पडटलें उपरांत थेंब नाकांत घालात. अशें केल्यार नाक आनी गळ्यांतल्या संसर्गांतल्यान सुटका मेळटा.
६. आवळ्याचो रोस पियेवचो – हो रोस पियेल्यार रोगप्रतिकार शक्त घट जाता.
७. मास्क घालात – घरांतल्यान भायर सरतना मास्क घालात.
८. नितळसाण- घरांत आनी घरांचे भोंवतणी नितळसाण दवरात. तशेंच भायलें खावप टाळचें.
९. हायड्रेशन- हायड्रेटेड रावचें, दिसाक 8 ते 10 पेले तरी उदक पियेवचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
