थँक यू फॉर कमींग

भांगरभूंय | प्रतिनिधी

भूमी पेडणेकर, कुशा कपील, शहनाज गील, अनील कपूर,डॉली सिंह धरून शिबानी बेदी सारकिल्ले कलाकारांनी
सजिल्ल्या ‘थँक यू फॉर कमींग’ चित्रपटाचो ट्रेलर रिलीज जाला. ह्या चित्रपटांत मुख्य भुमिकेंत आसा भूमी पेडणेकर. हो सिनेमा 5 ऑक्टोबराक थिएटरांनी प्रदर्शीत जातलो. हो चित्रपट अनील कपूर आनी ताची व्हडली चली रिया कपूर हांणी निर्माण केला.
थँक यू फॉर कमींग चित्रपटाच्या ट्रेलराची सुरवात भूमी पेडणेकराच्या पात्राच्या 30 व्या जल्मदिसा सावन जाता. ती सांगता, आपल्याक केन्नाच रिलेशनशिपींत बरो अणभव येवंक ना.

‘फेरी टेल्स फटकिऱ्यो आसात, मोग फटकिलो, ऑग्रेम फटीचे आसात.’ उपरांत भूमी आपले खातीर योग्य जोडीदाराचो सोद सुरू करता. ह्या वावरांत तिच्यो इश्टिणी ताका मजत करतात. चित्रपटांत खूब पंच आनी विनोद आयकुपाक मेळटात.
‘थँक यू फॉर कमींग’ चित्रपटाचें दिग्दर्शन करण बुलानी हाणें केलां. तो रिया कपूराचो घरकार. राधिका आनंद आनी प्रशस्थी सिंह हांणी चित्रपटाची पटकथा बरयल्या. चित्रपटाच्या प्रोडक्शनाचें काम एकता कपूराच्या बालाजी टेलिफिल्म्स आनी अनील कपूर फिल्प कम्युनिकेशन नॅटवर्क प्रायव्हेट लिमिटेडान केल्या.
‘थँक यू फॉर कमींग’ चित्रपटाचो टोरंटो इंटरनॅशनल फिल्म फेस्टिवलांत प्रीमियर जातलो.