भांगरभूंय | प्रतिनिधी
संगारेड्डी, खबरां संस्था: तेलंगणा मुक्या जनावरांचेर जावपी अत्त्याचारांचें एक धक्को दिवपी प्रकरण मुखार आयलां. हांगच्या संगारेड्डीच्या एडुमैलाराम गांवांत आशिल्ल्यान ४० फुट उंच पुला वेल्यान पांय आनी तोंड बांदून सकयल उडयिल्ल्यान २१ सुण्यांक मरण आयिल्ल्याची घडणूक मुखार आयल्या. जाल्यार गंभीर अवस्थेंत आशिल्ल्या ११ सुण्यांक वाटावपाक येस आयलां. हे विशीं सिटिझन्स फॉर ऍनिमल्स संस्थेच्या स्वयंसेवकांनी कागाळ दिले उपरांत इंद्रकरण पुलिसांनी गुन्यांव दाखल करून तपास सुरू केला.
गंभीर अवस्थेंत सांपडिल्ल्या सुण्यांक ह्या वाठारांतल्या पुलावेल्यान शेवटून दिल्ल्याचो अदमास आसा. सध्या कांयच समजूंक ना. हे घडणुके विशीं चड म्हायती मेळचे खातीर ह्या वाठारांतल्या थळाव्यांची चवकशी आनी आरोपींचो सोद पुलीस घेतात.
मरण आयिल्ल्या सुण्यांच्यो कुडी पोस्टमार्टमा खातीर धाडल्यात, अशी म्हायती एका पुलीस अधिकार्यान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
