भांगरभूंय | प्रतिनिधी
अतिरिक्त सत्र न्यायालयान केलो आरोप मुक्त
पणजी : २०१९ वर्साच्या एका ड्रग्स प्रकरणांत एका नायजेरियन मनशाच्या आसपावाचो कसलोच खर पुरावो ना, अशें सांगीत अतिरिक्त सत्र न्यायालयान आरोप मुक्त केले.
नेमकें प्रकरण कितें?
२०१९ वर्सा शिवोले बिराडाक रावपी इफेनी ओकेचुकवू ओबिन्ना आनी ओनुंचुकवू चिडीबेरे ह्या दोन नायजेरियन नागरिकां कडेन ६०.१४३ ग्रॅम दुबावीत कोकेन आनी १५.३९४ ग्रॅम दुबावीत एमडीएमए सांपडले. तांकां ताब्यांत घेवन अटक केली. हांतल्या एके कडेन सांपडिल्ल्या मोबायलाचेर सिमकार्ड हेराच्या नाञवाचेर आशिल्लें. पुलिसांनी आरोपपत्रांत तया मनशाचीं नांवूय नमूद केलें. मजगतीं धरिल्ले दोग आरोपी सध्या फरारी आसात.
मजगतीं आपल्याक ह्या प्रकरणांत घुसपयतात असो युक्तिवाद संडे ओन्ये लकी हांणें न्यायालयांत केला. पुलिसांनी फकत साथीदार अशें गृहीत धरून आपलें नांव आरोपपत्रांत नोंदकेल्ल्याचें तांणी म्हणलें. मजगतीं पुलीसूय हे विशीं संडे ओन्ये लकी आड पुरावे दाखोवपाक अपेशी थारले. तपास अधिकार्यान आरोपी पक्षांतलो कसलोच संवाद वा कट रचिल्ल्याचें दाखोवपा खातीर कसलेच कॉल डिटेल रेकॉर्ड (सीडीआर) वा सबस्क्रायबर डिटेल रेकॉर्ड (एसडीआर) सादर करूंक ना, हें न्यायालयानूय मान्य केलें.
आरोपींकडेन तुमच्या नांवार नोंद सिमकार्ड कशें? ह्या प्रस्नाचेर लकी हांणी न्यायालयांत स्पश्टीकरण दिलें. सिम कार्ड दोनूय आरोपींक वैयक्तीक वापरा खातीर ना. जाल्यार नवी दिल्लींतल्या नायजेरियाच्या उच्चायुक्तालयान आदेशा प्रमाण दिल्ले. नायजेरियन विद्यार्थी आनी समुदाय कल्याण संघटणेचो अध्यक्ष म्हणून, लकीक सगल्यां कडेन समन्वय सादपाक मेळचें. म्हूण तशेंच चिडीबेरे हो आरोपीय संघटणेचो वांगडी आशिल्ल्याचें, ताका हें सिमकार्ड वापरपाक दिल्लें, अशी म्हायती लकीन दिली. मुळांत आपणाक ह्या ड्रग्स प्रकरणांतल्यान मुक्त करचें अशी याचिका लकीन दाखल केल्ली.
मजगतीं ह्या आनी हेर जायत्यो गजाली लक्षांत घेवन अतिरिक्त सत्र न्यायालयान ताची निर्दोश मुक्तताय केली. मजगतीं, दोगूय फरारी आरोपीं आड कलम २९९ सीआरपीसी खाला खटलो सुरू उरतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
