भांगरभूंय | प्रतिनिधी
म्हापशेंः तोर्डा पर्वरी पुलिसांनी ड्रग्स कारवाय करून 25 हजारांचो 250 ग्राम गांजो जप्त केलो. ह्या प्रकरणांत दुबावीत साहिल इम्तियाझ मिर्झा (19, हाळीवाडो, बिठ्ठोण) हाका अटक केल्या.
ही कारवाय पुलिसांनी सोमारा रातीं 2 वरांच्या सुमाराक केली. तोर्डा ड्रग्जचो विक्री वेवहार जावपाचो आसा अशी म्हायती पुलिसांक विस्वासू सूत्रां कडल्यान मेळिल्ली. ते प्रमाण पुलिसांनी सापळो रचून दुबाविताक धरलो आनी ताब्यात घेतलो.
तपासणी करतना दुबाविता कडेन 25 हजारांचो 250 ग्रॅम गांजो सांपडलो. हो गांजो जप्त करून दुबाविता आड गुन्यांव नोंद करुन ताका अटक केली.
पुलीस निरीक्षक राहूल परब हांच्या फुडारपणा खाला उपनिरीक्षक प्रतिक तुळसकार, आकाश चोडणकार, कॉन्सटेबल सर्वेश शिरोडकार, वरिश काणकोणकार, विराज मळीक आनी अर्जुन साटेलकार हांणी ही कामगिरी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
