भांगरभूंय | प्रतिनिधी
उण्या कळंतरान 1 ते 4 कोटी रीण दिवपाचें दाखयतालीं हांयस
भांगरभूंय । प्रतिनिधी
पणजीः लोकांक उण्या कळंतरान 1 ते 10 कोटी रुपयांचें रीण दिवपाचें हायस दाखोवन उपरांत कमिशनाची रक्कम घेवन पळून वचपी जोडप्याक गुन्यांव फांट्यान अटक केल्या.
दुबावीत अंकुश रामचंद्र कदम आनी ताची घरकान्न पुजा अंकुश कदम (रा. फोंडें, मूळ चिंचाळे सांगली) गरजेवंत लोकां कडेन संपर्क क रून 1 ते 10 कोटी मेरेन 4 टक्के कळंतरान रीण दिवपाचें हायस दाखयताले. ते बदला कमिशन म्हूण 1 टक्के कळंतर दिवपाची मागणी ते करताले. कमिशनाची रक्कम ते आगावू मागताले आनी ती मेळ्ळे उपरांत दुबावीत पळून वताले.
ह्या फटवणूक प्रकरणांत खूब जाणांनी पुलिशेच्या गुन्यांव फांट्या कडेन संपर्क केल्लो. ते प्रमाण पुलिसांनी दोनूय दुबावितांक शेनवारा सांजे वेळार ताब्यांत घेतले आनी गुन्यांव दाखल केलो. ते उपरांत तांची चवकशी करून अटक केली.
त्या वेळार दुबावितां कडेन 1 लाख 70 हजार रुपया सांपडले. तशेंच 14 मोबायल फोन आनी फटवणुके खातीर वापरताले ते हेर साहित्य लेगीत जप्त केलें. पुलीस निरिक्षक नितीन हळर्णकार हांणी ह्या प्रकरणांत थेट कागाळ नोंद केल्या जाल्यार पुलीस निरिक्षक योगेश सावंत फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
