भांगरभूंय | प्रतिनिधी
कॅलिफोर्निया, खबरां संस्था: आवय आनी भुरग्याचें नातें हें संवसारांतलें सगल्यांत मायेचें, मोगाचें आनी आपुलकेचें नातें आसता. मात ते आवयचें कर्तुप धक्को दिवपी आसलें. ते आवन तिच्या ११ वर्सां पिरायेच्या पुताक डिन्सेलँड ह्या भोंवपाक व्हेलो आनी थंय ताचो गळो चिरून खून केलो. तशेंच ताचे उपरांत न्हिदेच्यो गुळयो घेवन स्वताय आत्महत्त्या करपाचो यत्न केलो.
ही घडणूक खंय घडली?
सरीता रामराजू हे ४८ वर्सां पिरायेचे बायलेन तिच्या ११ वर्सांच्या पुताक न्यूयॉर्कच्या डिस्नेलँड हांगा भोंवपाक व्हेलो. थंय गळो चिरून ताचो खून केलो. सरीता रामराजू ही भारतीय वंशाची. ही बायल कॅलिफोर्नियाक रावता. सरीता रामराजू आनी तिच्या घोवाचो घटस्फोट २०१८ वर्सा जालो. हे बायलेच्या पुताचो ताबो तिच्या घोवा कडेन आसा. मात न्यायालयान सरीताक तिच्या पुताक मेळपाची परवानगी दिल्ली. पुताचो खून करचे पयलीं सरिता तिच्या पुता सयत सँटा ऍना हांगच्या एका मॉटेलांत राविल्ली. तिणें आपले आनी आपल्या पुता खातीर डिस्नेलँडचे तीन दिसांचे पास घेतिल्ले. सरिता घटस्फोटा उपरांत कॅफिफोर्नियांत रावता. ती पुताक मेळपाच्या निमतान आयली आनी उपरांत तिणें ताचो खून केलो.
१९ मार्चाक सरीता आनी तिच्या पुताक मॉटेलांत परत वचपाचें आशिल्लें. ताचो बापूय ताका व्हरपाक येवपाचो आशिल्लो. मात त्याच दिसा सकाळीं ९ वरांचेर १२ मिनटांनी तिणें पुलिसांक फोन करुन सांगलें की, आपणें आपल्या पुताचो खून केलो म्हणून. सांता ऍनाचे पुलीस जेन्ना मॉटेलांत गेले तेन्ना तांणी पळयलें, सरिताचो पूत खाटीर मेल्लो पडिल्लो. ऑरेंज कावंटी हांगच्या जिल्हा अटॉर्नी कार्यालयान घडणुके विशीं एक निवेदन जारी केलें. सरीता रामराजूक ह्या प्रकरणांत २६ वर्सांची ख्यास्त जावपाक शकता, अशेंय तातूंत नमूद केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
