भांगरभूंय | प्रतिनिधी
“शाळा सुरू जाली परत? !”
“हय, हय “! भुरगीं आड्डली.
” बरी मजा आयली सुटयेंत?”
” खूब बरें दिसलें, शिकपाक मेळ्ळें”.
” हांवें स्टिलाचें टिफीन घेतलें”.
“म्हाकाय पप्पान बाटली हाडली”.
रायन, रेवा, प्रणव, शांयना एकामेकां कडेन उलयतालीं. इतल्यांत, ” ह्या दिसांनी बदाम, काजुबियो, खाल्यार बरें…ड्राय फ्रुट ” बावलेन म्हणलें.
“हय, आयताराची मम्मा तेल लावन न्हाणयतली म्हाका” शायनान म्हणलें.
“तेल ?….शी ….!.वीट येता म्हाका” प्रणव आड्डलो.
“खोबरेल तेल माथ्याक घाल्यार बरें”…… आतेबाय आमच्या माथ्याक घालता”
” आज्जी रे तुजी?”!
शी!!!!……आवंय म्हाका तेलाच्यो घांणी येतात” रेवान म्हणलें.
“सगळ्याक वास येता”.
” आमकां लज दिसता”.
” नसती लज बरी न्हय” आजी म्हणटा.
” बऱ्या कामांक लज धरप ना”
“आंगां माथ्याक तेल बरें”
“आयताराक सकाळी आतेबाय तेलाची हुरहुळी घेवन बसता” रमान सांगलें.
ह्या दिसांनी शीं ….पडटलें…दंव सो दिसता आमोरेचेर पळयात. धुकेशें दिसता भायर. “भलायकी बरी दवरपाची आयडिया” बावलेन सांगलें.
“पळयलें तुमची मम्मी, पप्पा, आजी कितली शाणीं !!!!!!”
” तांचे आयकप गरजेचें”. प्रणवान म्हणलें.
“शी, आंवय!!” म्हणूक फावना.”
” विंटुकूय जायना.विट दिसता”
पूण आमची जाणटी आतेबाय, बायबाय, काकीबाय अण्णा, दादी, वर्साची वर्सां जगले 80-90…वर्सां …सेंचरी बॅट्समेन जाले.”
कित्याक????? बावलेन विचारलें. तेल, नाशण्याचें सत्व,कुळडां पिठी, आटवल, काकम, म्होंव हेंचं” बावली उलयली. भुरगीं आं करुंन आयकत रावलीं.
” मम्मा , आज्जेक, आज्याक, विचारुंया”. प्रणव , रमेश, सुरेशान म्हळें
“आमकां कांयच खबर ना”
” म्हणून आजो अजून बरो आसा?” प्रणवान बावलेक विचारलें.
जादुची बावली हांसली, नाचली. अपुरबायेन सगल्याक सांगलें, “तुमी घटमूट जावन आमचें गोंय, आमचो देश आनी संवसार सांबाळपाक जाय”.
” आवयस!!!! आमी?!!!!” रायनान विचारलें.
” हय , हय ….तुमीच”….
आमच्या जाणटेल्या भशेन शाणे, बुदवंत जावन. मेळुंया……काकम इल्ली खावुंया.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
