भांगरभूंय | प्रतिनिधी
रंगारेड्डी, खबरां संस्थां: तेलंगणाच्या रंगारेड्डी जिल्ह्यांतल्या हैदराबाद-बिजापूर राष्ट्रीय महामार्गार सोमारा सकाळीं तेलंगणा रोड ट्रान्सपोर्ट कॉर्पोरेशनाचे बशीक खडीन भरिल्ल्या एका डंपर ट्रकान धपको दिलो. हे विशीं मेळिल्ले म्हायती प्रमाण, ह्या अपघातांत २० जाणांक मरण आयलें, २० जाण जखमी जाले आनी तीग जाण गंभीर आसात.
थळाव्यांच्या म्हणण्या प्रमाण, बस तंदूरच्यान हैदराबादाक वताली. तातूंत ७० परस चड प्रवासी आशिल्ले. बसींत चडशे विद्यार्थी आशिल्ले. ते आयतारचे सुटये खातीर घरा गेल्ले आनी कॉलेजींत वचपा खातीर हैदराबादाक परतताले.
पुलिसांनी सांगलें, चुकीचे दिकेन येवपी डंपरान चेवेल्ला पुलीस स्टेशन वाठारांतल्या खानपूर गेटी लागसार बशीक धपको दिलो. हो धपको इतलो नेटान मारिल्लो, हातूंत बसीचें व्हड लुकसाण जालें आनी डंपरांत भरिल्ली खडी प्रवाशांचेर पडली.
बस कर्मचार्यांनी सुमार१५ जाणांक वाटयले. अपघाताची म्हायती मेळटांच पुलीस घडणुके सुवातेर पावले. खडये पोंदाक पडिल्ल्यांक भायर काडपाक जेसीबीन रेस्न्यू ऑपरेशन हातांत घेतलें. सध्या जखमींक लागीच्या हॉस्पिटलांत उपचारा खातीर व्हेल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
