भांगरभूंय | प्रतिनिधी
म्हापशें, प्रतिनिधी ः हणजूणा बीच रिसॉटांत राविल्ल्या तेलंगणांतल्या पर्यटक कुटुंबाचो चोरांनी १.६० लाखांचो माल चोरलो. हातंत १ लाख १० हजारांच्यो दोन ब्रेसलेटी आनी ५० हजार रूपयांचो आसपाव आसा.
हे विशीं चड म्हायती प्रमाण, ही चोरयेची घडणूक आयतार ता. ७ दिसा फांतोडेर सुमार ४.४० वरांचेर घडली. कागाळदार मुकेश सिंग (तेलंगण) हे आपल्या कुटूंबा सयत हणजूण बीच रिसॉर्टांत देंविल्ले. चोर फाटले वटेनच्यान रिसॉर्टांत आयलो आनी बाल्कनींतल्यान कागाळदाराचे कुडींत घुसून तांणी चोरी केली. रिसॉर्टच्या सीसीटिव्हींत एक व्यक्ती दुबावीत तरेन रिसॉर्टा भायर भोंवतना दिसता. पुलीस तशेंच हॉटेल वेवस्थापनान हे व्यक्ती आड दुबाव उक्तायला.
हे विशीं पुलिसांनी चोरा आड गुन्यांव नोंद केला. फुडलो तपास उपनिरीक्षक स्वप्निल नायक करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
