भांगरभूंय | प्रतिनिधी
खबरां संस्था ः महाराष्ट्रांतल्या सगळ्या शाळांनी आनी सगळ्या मंडळांनी मराठी भास सक्तीची आसली तरी जायत्या मंडळांच्या शाळांनी मराठी भास पर्यायी विशय म्हूण शिकयतात. देखून महाराष्ट्रांत यत्ता पयली सावन सगल्या शाळांनी मराठी भास शिकोवपाची मागणी वाडत आसतनाच तेलंगणा सरकारान म्हत्वाचो निर्णय घेतला. तेलंगणा सरकारान सगळ्या शाळांनी तेलुगू भास सक्तीची केल्या आनी राज्य शालेय शिक्षण खात्यान हे संबंदी सरकारी निर्णय जारी केलां. हो आदेश सीबीएसई, आयसीएसई आनी इंटरनॅशनल बॅकलॅरिएट (आयबी) सयत सगळ्या मंडळां संबंदीत शाळांक लागू जाता.
नवो आदेश 2025-26 शिक्षणीक वर्सा सावन यत्ता णवेच्या विद्यार्थ्यां खातीर लागू जातलो. जाल्यार यत्ता धावेच्या विद्यार्थ्यां खातीर हो आदेश 2026-27 शिक्षणीक वर्सा सावन लागू जातलो. हो निर्णय 2018 वर्सा सावन प्रलंबीत आशिल्लो आनी आतां सरकारान तो चालीक लावपाचो निर्णय घेतला अशें शिक्षण खात्याच्या एका अधिकाऱ्यान सांगलें.
सीएसबीई यत्ता णवी आनी धावी विद्यार्थ्यांक मानक तेलुगू वा सिंगीडी शिकचे बदला “साधी तेलुगू” शिकपाक परवानगी दितले. हे भाशेक वेनेला अशें म्हण्टात अशें ह्या आदेशांत म्हळां. तेलंगणांतल्यो चडशो शाळा सरकारी आसात, थंय तेलुगू शिक्षण चड प्रमाणांत चलता. पूण राज्याभायर मंडळां खाला आशिल्ल्या शाळांनी तेलुगू शिकवण व्हड प्रमाणांत जायना.
तेलुगू शिक्षण चालू दवरपाचो यत्न
तेलंगणातल्यो एक तृतियांशा परस चड शाळा इंग्लीश माध्यमांतल्यान चलतात. हो निर्णय चालीक लावप म्हणल्यार विद्यार्थ्यांक इंग्लीशींतल्यान पयस करपाचो यत्न न्हय, तर विद्यार्थ्यांक तांच्या आवयभाशेची वळख करून दिवपाचो यत्न आसा. राज्यांतल्या विद्यार्थ्यांक थळावी भास वाचपाक आनी बरोवपाक कळपाक जाय अशें एका शिक्षणतज्ञांन सांगलें. सरकारी शाळांनी इंग्लीश माध्यमाची सुरवात 2008 वर्सा सावन सुरू जाली. तेन्ना तेलंगना हो आंध्र प्रदेशाचो एक भाग आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
