भांगरभूंय | प्रतिनिधी
भांगरभूंय । प्रतिनिधी
पेडणेः गोंय मुक्ती चळवळी वेळार तेरेखोल किल्ल्याच्या वाठारांत हुतात्म्ये जाल्ल्या हिरवे गुरुजी आनी शेषनाथ वाडेकर हांका गोंय क्रांतिदिसा आर्गां ओपलीं. हिरवे गुरुजीच्या घरच्यांनी तांची 105वी जयंती ह्या वेळार मनयली. ह्या दोनूय हुतात्म्यांच्या यादस्तिकाचें काम अजून पुराय जावंक नाशिल्ल्यान लोकांनी नाराजी उक्तायल्या.
हिरवे गुरुजी आनी वाडकर हांचे यादस्तीक जावचें हें खातीर केरीच्या जीवदायिनी संस्थेचो नाना सोपटे केरकार आनी पत्रकार किशोन नायक गांवकार आनी हेरांनी यत्न केल्ले. शेषनाथ वाडेकर आपलो चार वर्सां पिरायेचो चलो जयंत आनी घरच्यांक सोडून गोंय मुक्ती चळवळींत वांटो घेवपा खातीर रेवदंडा अलिबाग हांगच्यान आयिल्ले. हिरवे गुरुजी पनवेलच्या आयिल्लें. तेरेखोला सत्याग्रह करतना पाखल्यांनी केल्ल्या फारपेटांत ते शहीद जाले.
हिरवे गुरुजीचो चलो प्रदीप हिरवे, सरपंच धरती नागोजी, नारायण केरकार, सूरज नायक आनी हेर ग्रामस्थांनी हिरवे गुरुजीची जंयती मनयली. हिरवे गुरुजी आनी शेषनाथ वाडेकर हांची यादस्तिकां जावची अशी इत्सा आमी आदले मुख्यमंत्री दिगंबर कामत, सर्गेस्त मनोहर पर्रीकार तशेंच सद्याचे मुख्यमंत्री डॉ प्रमोद सावंत हांचे कडेन उक्तायल्ली. तांचे काम चल्लां. तेरेखोला येवन हिरवे गुरुजीची जयंती मनोवपााचो आमचो यत्न आसतलो अशें प्रदीप हिरवे हाणे ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
