भांगरभूंय | प्रतिनिधी
नवी दिल्ली : ही घडणूक जानेवारींतली. दिल्लींतल्या बाजारांत एकलो स्कुटरी वयल्या सुणो घेवन आयलो आनी ल्हवूच ताका थंय सोडून नाच्च जालो. त्याच कामा खातीर तो आयिल्लो दिसता. ह्या सुण्याची काणी अजय ज्यो हांणी सोशल मिडियाचेर घाली. ती व्हायरल जाली.
हें मादी सुणें आपलो धनी येतलो म्हूण दुसरे एके स्कुटरीचेर चडून बसलें. घडये ती ताका आपल्या धनयाचीच स्कूटर दिसली आसतली. तो बाजारांत कितें हाडपाक गेला, येतलो रोखडोच अशेंय ताका दिसलें आसतलें. सुमार आठ वरां तें ताची वाट पळयतालें. ताच्या दोळ्यांत दुकांय दाटिल्लीं. तें भितरले भितर रडटालेंय बी…. व्हायरल जाल्लो पोस्ट पळोवन प्राणीमोगी थंय आयले. एकलो थंय रातीं ३ वरां मेरेन रावलो. सुण्याचे सुरक्षे खातीर. ताका खावपाकूय दिलें. उपरांत सोफी मेमोरियल एनिमल वेल्फर ट्रस्टाची संस्थापक कावेरी राणान ह्या सुण्याक व्हेलो. तिचें नांव स्विगी अशें दवरलां. राणा हांणी हो प्रकार मनशाचे क्रुरतायेचो एक नमुनो अशी प्रतिक्रिया दिली. सध्या स्विगी त्या ट्रस्टांत रावता.
व्हिडियो खातीर क्लीक करात – (व्हिडियो अजय ज्यो हांच्या बरेपणान) :
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
