तुयां हॉस्पिटल अखेरेक जीएमसीक लिंक
भांगरभूंय | प्रतिनिधी
मुख्यमंत्री डॉ. प्रमोद सावंत हांचें हस्तुकीं उक्तावण
पेडणेंः तुयां सरकारी हॉस्पिटल आनी संशोधन केंद्र निमाणे गोंय वैजकी म्हाविद्यालयाक (जीएमसी)क लिंक केलें. हाका लागून पेडणेंकारांची एक मागणी पुराय जाली. मुख्यमंत्री डॉ. प्रमोद सावंत हांणी आयज ह्या हॉस्पिटलाचें उक्तावण केलें.
उक्तावण सुवाळ्याक भलायकी मंत्री विश्वजीत राणे, आमदार प्रवीण आर्लेकार, आमदार जीत आरोलकार आनी थळावे प्रतिनिधी हाजीर आशिल्ले. गोंय राज्य मुळावी बांदावळ उदरगत म्हामंडळान (जीएसआयडीसी) सुमार 85 कोटी रुपया खर्च करून ही हॉस्पिटल इमारत बांदल्या. वट्ट शंबर खाटींचें हॉस्पिटल आसा. ह्या हॉस्पिटलांत 13 ओपीडी आसतल्यो. गोंय वैजकी म्हाविद्यालयांतल्यान सुविधा दिवन कर्मचाऱ्यांची नेमणूक जातली अशें भलायकी खात्यान स्पश्ट केलां.
मजगतीं, तुयां बांदिल्ली नवी हॉस्पिटल इमारत जीएमसींक लिंक करची अशी मागणी करून थळाव्या लोकांनी व्हड आंदोलन केल्लें. बऱ्याच काळाच्या संघर्शा उपरांत निमाणे जीएमसी कडेन लिंक करुन हॉस्पिटलाचें उक्तावण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
