भांगरभूंय | प्रतिनिधी
सदच्या कामांत ताण- तणाव येतातूच, हाचें एक कारण म्हणल्यार आमच्या मनांतले विचार. ते मनीस आडावपाक शकना. ही गजाल आमकां ल्हानपणा सावन शिकयतात. ताका लागून घडये वायट विचार मनांत येतात आसुंये. ते येतकच मनीस आत्महत्याय करपाक शकता. फाव तितलें काम ताचे कडल्यान जावं येताच अशें ना. पूण पांच आंगां आमकां सैमा कडल्यान मेळ्ळ्यांत. ताचो योग्य उपेग आमच्या कडल्यान जाताच असो ना. ते खातीर मार्गदर्शन तरी जाय नाजाल्यार ल्हानपणा सावन ताची संवय जाल्ली जाय. योग आमकां ध्यान आनी बरे विचार येवपाक
शिकयता. पूण आमचें ध्येय कितें तें लेगीत सांगता. ते खातीर मांयड फुलनेस हे अर्चना इनामदार हांच्या आॅनलायन वर्गाचो जरुर लावन घेवचो.
अर्चना हांणी ह्या विशयाचेर पदवी घेतल्या. संगीताचेंय शिक्षण घेतलां. ताचेरुय तें कार्यशाळा घेता. महाराष्ट्र टायम्स पेपरा वांगडा ताणें साबार कार्यशाळा घेतल्यात. ताका बरो प्रतिसाद मेळ्ळा. ताणें सह्याद्री टिव्ही, रेडियोचेरुय उलोवपां केल्यात. आमच्या सुप्त मेंदू वायट विचार करता ते कशे थांबोवप, हाचें आमकां तितलेशें गिन्यान आसतना. मनांत चलिल्ल्या विचारांचे आमी गुलाम जातात. विचार हे बरे आसचे पडटात. ते खातीर मनशाक बऱ्या विचारांचें खाण मेळपाक जाय. नाजाल्यार दुसऱ्यांचे विचार आपणायत रावतले. एकदां भुरगो शाळेंत वचूंक लागलो काय ताका परिक्षेचो भंय दिसता. थोडो टिचरांचोय लेगीत दिसता. कांय जाणांक विमानान बसपाची, सभेंत उलोवपाचो भंय दिसता. अशे भंय दिसत रावले काय आमी निर्शेतात. हें बदलपाक जाय. कित्याक तर आमची जिण तशें पळयल्यार ल्हान आसा. ती आमच्या मनाचेर परिणाम करता. ती बरी करपाक मार्गदर्शन जाय. मनांतली भिरांत एकदां गेली काय तुमी सगले तोखणाय करी सारकीं कामा करतले. चवदा वर्सां वयले कोणूय अर्चना हांचे कार्यशाळेंत वांटो घेवपाक शकतात. तुमी तिका 98208864428 ह्या नंबराचेर फोन करूंक शकतात. तशेंच [email protected] हाचेर मेल धाडपाक शकतात.
चिंता जित्या मनशाक मरता. आमचे विचार हयकारात्मक जावपा खातीर कश्ट घेवचे पडटात, ही विचारशक्त तुमकां बळगें दिता आनी तुमचे कडल्यान बरीं कामां जातात. आमच्यो आतां संवयी लेगीत बदल्ल्यात. एक म्हणल्यार आमी वेगळे रावपाक लागल्यात. जेवता, न्हिदतना आमकां टिव्ही जाय, आतां मोबायल फोना वयल्या सोशल मिडियाचें पिशें लागलां. मागीर विचार कसले आसतले? नमळाय आमी केन्नाच विसरल्यात. कितें उलयतना, बरयतना आमी फाटलो फुडलो विचार करीनात.
सकारात्मक विचार करपाची संवय तुमकां मांयडफुलनेस हे कार्यशाळेंत जातली. तुमचे विचार बदलपाची संद मेळटली. हे खातीर मुंबय वचपाची गरज ना. आॅनलायन पद्दतीन तुमी कार्यशाळेचो लाव घेवपाक शकतात. तुमच्या मनांतले प्रस्न विचारुंक शकतात. 22 वर्सांच्या अणभवाची आनी आंतरराष्ट्रीय अभ्यासाचो लाव तुमी हे कार्यशाळे वरवीं घेवपाक शकतात आनी हेरां प्रमाण जिणेंत बदल घडोवन हाडपाक शकतात. ही कार्यशाळा सकाळीं 10 ते 12 आनी दनपरां 2 ते 4 मेरेन आसता.
वतां वतां, सध्या पावस पडत आसा. पावसान तर विक्रमच
केला. कारणां कितेंय आसूं, पूण तुमी रावतात त्या जाग्यांचेर उदका खातीर अडचणी येवंक शकतात. ते खातीर गोंय सरकरान तुमकां मजत करपाक संपर्क क्रमांक दिल्यात. 0832-2419550, 2225383, 2794100.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
