भांगरभूंय | प्रतिनिधी
कांय जाण सकाळीं उठल्या उठल्या च्या वा कॉफी पितात. पूण तांचो नाश्त्याचो वेळ थारायिल्लो नासता. कांय जाण नाश्तो करी लेगीत ना. पूण सकाळचो नाश्तो हो दिसातलो सगळ्यांत म्हत्वाचो आहार मानतात. नाश्तो आमकां दीसभर उर्जा दिता आनी मेंदवाक बरे तरेन काम करपाक मजत करता. पूण सुमार 90% लोक चुकीच्या वेळार नाश्तो करतात.
कामाक वचपाक वा भुरग्यांक शाळेंत धाडपाचे गडबडींत जायते जाण नाश्तो करीनात वा उसरां करतात. पूण, उसरां नाश्तो केल्यार भलायके खातीर हानीकारक थारूंक शकता. सकाळीं उठल्या उपरांत दोन वरां भितर नाश्तो करचो अशें तज्ञांचें मत आसा. रातभर उपास केल्या उपरांत कुडींत ग्लुकोजाचो उणाव जाता. पोशक तत्वां आशिल्लो नाश्तो केल्यार कुडीक उर्जा दिता आनी दीसभर तुमकां सक्रिय दवरता. उसरां नाश्तो केल्यार कुडीक लुकसाण जाता.
उसरां नाश्तो केल्यार….
उर्जेचो उणाव
उसरां नाश्तो केल्यार कुडीची उर्जा उणी जावंक शकता, जाका लागून तुमकां थकव्याचो आनी सुस्तताय दिसूंक शकता. तुमच्या कामाचेर आनी व्यायामाचेरूय ताचो परिणाम जावंक शकता.
रगतांतली साकर असंतुलन
सकाळीं उसरां नाश्तो केल्यार रगतांतली साकर उणी जावंक शकता, जाका लागून अचकीत भुक लागिल्ल्याची वेदना जावपाची शक्यताय आसता. हाका लागून तुमकां अनहेल्दी खाणां खावपाची इत्सा जावंक शकता, जी तुमच्या वजनाक आनी भलायकेक हानिकारक थारूंक शकता.
मोटसाण
अभ्यासा प्रमाण नाश्तो उसरां करपी लोकांक मोटसाणेचो धोको चड आसता. कारण उसरां नाश्तो केल्यार कुडींत इन्सुलिनाची पातळी वाडटा, जाका लागून चरबी सांठोन उरता आनी मोटसाण वाडता.
गोडेंमूत जावपाचो धोको
उसरां नाश्तो केल्यार टायप 2 गोडेंमूत जावपाचो धोको वाडूंक शकता. कुडींत सतत उर्जेचो उणाव येता, जाका लागून रगतांतली साकर वाडटा.
निरोगी नाश्तो पर्याय…
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
