भांगरभूंय | प्रतिनिधी
आयच्या इंटरनॅट युगांत जायते बदल घडत आसात. मोबायल फोन, टॅप, लॅपटॉप सारकिल्लीं उपकरणां आयली आनी ल्हवू ल्हवू सगलें चित्रूच बदल्लें. कांय भुरगीं दीसभर फोन वा संगणकाच्या स्क्रीनीचेर चड वेळ घालयतात. आनी ताचो परिणाम भुरग्यांचो भलायकेचेर जाव येता. देखून हें वेळार थांबवप गरजेचें. कारण ल्हान पिरायेचेर भुरग्यांक मायोपियाची समस्या वाडत आसा अशें एका संशोधनांतल्यान दिसून आयलां.
मायोपिया म्हणल्यार कितें?
भलायकी तज्ञांच्या मतान मायोपिया हें दोळ्यां संबंदीत एक दुयेंस. जांतूत लागसारच्यो वस्तू स्पश्टपणान दिसतात, पूण पयसुल्ल्यो वस्तू पळोवपाक खूब कठीण आसता. मेयो क्लिनिकाच्या मतान दोळ्याचो आकार वा दोळ्याचो कांय भाग बदलून उजवाडाचो अपवर्तन जाता तेन्ना मायोपियाची समस्या निर्माण जाता. हाका लागून दोळ्यांच्या रेटिनाच्या फाटल्यान लक्ष केंद्रीत जावचे बदला फुडें केंद्रीत जावंक लागता आनी पयसुल्लीं वस्तू अस्पश्ट दिसतात. चड करून मायोपियाची सुरवात भुरगेपणांतल्यान जाता, तातूंत आनुवंशिकी आनी जिणे पद्दत ह्या दोनूय गजालींचो म्हत्वाचो वांटो आसता.
मायोपियाचीं लक्षणां…
पयसुल्लीं वस्तू अस्पश्ट दिसप
दोळे चोळप
दोळे घुंवडावप
दोळे मिचकावप
तकली दुखप
दोळ्यांचेर ताण येवप
दोळे दुखप
वाचतना वा टीव्ही पळयतना पुस्तक वा स्क्रीन कडेन चड बारीकसाणेन पळोवप
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
