भांगरभूंय | प्रतिनिधी
भेटवस्त.. हाचो फकत उल्लेख केल्यारूच आयकुप्याच्या आनी उलोवप्याच्या तोंडार एक वेगळीच उमेद दिसता. कारण, अशें आसा. कोणाक भेटवस्त दिवप आसूं वा कोणा कडल्यान भेटवस्त घेवप आसूं, हे दरेक खीण सुखान भरिल्ले आसतात. वाडदीस, लग्न, उत्सव, खाशेल्या प्रसंगाचेर वा सादारण दिसांनी लेगीत भेटवस्त अदलाबदल करतात. भेटवस्तूंची उमेद सोडल्यार तातूंत जावपी खर्च आनी ताचे भायर ह्या भेटवस्तूंचेर लागपी करा विशीं तुमकां खबर आसा?
भेटवस्तू आयकर खात्यांत नोंदणी करची पडटा
आयकर रिटर्न भरतना म्हळ्यार आयटीआर दाखल करतना भेटवस्तू म्हणून मेळिल्ल्या मालाची म्हायती आयकर खात्याक दिवची पडटा. सध्या २०२३- २४ वित्तीय वर्सा खातीर ३१ जुलय २०२४ मेरेन येणावळ कर रिटर्न दाखल करपाची अपेक्षा आसा. देखून भेटवस्तू हाचे संबंदीचे नेम आनी ताचेर आकारपी आयकराचे रक्कमेचे नेम लक्षांत दवरप जायत्या जाणांक फायद्याचें थारता.
भेटवस्तूचेर कर कित्याक लायतात?
भेटवस्तू दुसर्या मनशा कडल्यान येतात. ताका लागून ते Income from another source विभागांत मोडटात. अर्थीक वर्सा तुमकां मेळिल्ल्या भेटवस्तूंचें मोल ५० हजार रुपया वा ताचे परस चड आसल्यार तें करपाक जाय. ही रक्कम तुमच्या वर्सुकी उत्पन्नांत जोडटात. ताका लागून कुटुंबांतली व्यक्ती तुमकां कितलीय म्हारग वस्तू दिवपाक शकतात.
जर खंयचेय व्यक्तीक ताच्या वा तिच्या इश्टांनी कोणेंय ५० हजार रुपयां परस चड किमतीची भेटवस्तू, रक्कम, भांगरा वस्ती, शेअर वा आनीक कसलीय भेटवस्त दिल्यार कर आकारपाक शकता.
भेटवस्तू विशीं नेम समजून घेयात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
