भांगरभूंय | प्रतिनिधी
भांगरभूंय । प्रतिनिधी
माशेलः आझाद स्पोर्ट्स क्लबाक 26 धांवड्यांनी हारोवन तुफान स्पोर्ट्स क्लबान पांचवे बेतोडें प्रीमियर लीग क्रिकेट सर्तीचे चवथे फावट वस्तादपण मेळयलें. 31 बॉलांत 6 सके आनी 1 चौक्यान 50 धांवड्यो करपी तांचो गौरव गांवकार मॅन ऑफ दी मॅच थारलो.
गौरव (50) आनी दिनेश कळंगुटकार हाच्या 18 धांवड्याक लागून तुफान क्लबान निर्धारीत 10 ओव्हरींत 99 धांवड्यो केल्यो. आझाद क्लबाच्या ज्यु. गौरेश आनी साईशान दरेकी तीन विकेटी घेतल्यो. तुफान क्लबाच्या संकेत मोरेन 4 धांवड्यांत 3 विकेटी घेवन आझाद क्लब 10 ओव्हरींत फकत 73 धांवड्यो करपाक शकलो आनी 26 धांवड्यांनी तांकां हार खावची पडली. ज्यु. गौरेशान 5 चौक्यांनी 12 बॉलांत 21 धांवड्यो केल्यो.
इनाम भेटवण कार्यावळीक सरपंच उमेश गावडे संकेत मुळे, पुजेश गावडे मुखेल सोयरे म्हणून हाजीर आशिल्ले. सर्तींत 9 पंगडांनी वांटो घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
