भांगरभूंय | प्रतिनिधी
कोल्हापूरच्या पन्हाळा तालुक्यांतली घडणूक
कोल्हापूर ः पन्हाळा तालुक्याच्या नेबापूरांत आयज दुर्घटना घडल्या. थंय मोडून पडिल्ले वीज तारेक स्पर्श जाल्ल्यान आवय आनी भुरग्यांक मरण आयलां. शुक्रारा सकाळीं 8 वरांचेर ही घडणूक घडली. नंदा गुंगा मगदूम आनी अजिंक्य गुंगा मगदूम (33) अशी मरण आयिल्ल्यांची नांवा आसात.
म्हायती प्रमाण मंगळवारपेठेंतल्या (पन्हाळा) अजिंक्य हांचे नेबापूर वाठारांत शेत आसा. अजिंक्य दर दिसा सकाळीं 7 वरांचेर शेताच्या कामाक लागून शेतांत येतालो. शेतांतली लागवड सोंपतकच एका वरांत परत येवपी अजय एक वर जाले उपरांत लेगीत घरा परतलो ना म्हणून ताची आवय नंदा हिणें तांका फोन केलो पूण ताणें घेतलो ना. ह्या हुसक्यान ती ताका सोदपाक शेतात गेली. तेन्ना तांकां अजिंक्य शेतांत मेल्लो पडिल्लो दिसलो. तिणें मजती खातीर उलो मारलो. मागीर ती अजिंक्याक उखलपाक गेल्ली तेन्ना तिकाय शाॅक बसलो आनी ती आक्ताक गेली. जेन्ना लोक मजतीक आयले तेन्ना अजिंक्याच्या शेतांतल्यान वचपी वीज लायनीच्यो 2 तार मोडून पडल्याचें लक्षांत आयलें. देखून आवयक आनी चल्याक विजेचो धक्को लागून मरण आयल्याचे स्पश्ट जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
