भांगरभूंय | प्रतिनिधी
भांगरभूंय । प्रतिनिधी
पेडणेः दिवचलचो आमदार आनी आयटी म्हामंडळाचो अध्यक्ष डॉ चंद्रकांत शेट्ये हाची तुयेंची सरपंच सुलक्षा नायक आनी उपसरपंच नीलेश कांदोळकारान भेट घेवून तुयेंची इलेक्ट्रॉनिक सिटी प्रकल्प चालीक लावपाची मागणी केली. पेडणे तालुक्यांत बेरोजगारी वाडच चल्ल्या. इलेक्ट्रॉनिक सिटी सुरु जाल्यार लोकांक नोकऱ्यो मेळटल्यो. पेडण्यांतल्या तरणाट्यां खातीर कामगार प्रशिक्षण सुविधा उपलब्द करून दिवपाची विनवणी तांणी ह्या वेळार केली.
इलेक्ट्रॉनिक सिटींत सुमार स कंपन्यांक जमनीचें वांटप केलां आनी तो रोखड्योच सुरू जातल्यो. म्हामार्गावयलो लींक रोड अजून जावंक ना. ताका लागून जमीन धनयां कडल्यान एनओसी घेवप बाकी आासा अशी म्हायची डॉ चंद्रकांत शेट्ये हांणी सांगलां अशें सुलक्षा नायक हिणे थळाव्या पत्रकारांक सांगलें.
व्हडल्या कंपन्यांक इलेक्ट्रॉनिक सिटीत हाडपाचे यत्न चल्ल्यात. फुडल्या कांय दिसांत तुयें पंचायत मंडळ आयटी मंत्री रोहन खवंटे, डॉ शेट्ये आनी मांद्रेचो आमदार जीत आरोलकार हांची भेट घेवंन इलेक्ट्रॉनिक सिटी विशीं फाटपुरवण करतलें अशी म्हायती उपसरपंच नीलेश कांदोळकारान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
