भांगरभूंय | प्रतिनिधी
नवी दिल्ली : कॉंग्रेस खासदार,विरोधी पक्ष फुडारी राहुल गांधी हांणी पत्रकार परिशदेंत जे ब्राझिलियन मॉडेलचो फोटो दाखयल्लो तिचो व्हिडियो आयला. सोशल मीडिया प्लॅटफॉर्म एक्स वेल्या खुबश्या अकाउंटांनी तो पोस्ट केला, जातूंत तिचें नांव लॅरिसा आशिल्ल्याचें दिसता. तिचो फोटो आशिल्लीं वेंचणूक कार्डां वापरून हरियाणांत फाटले विधानसभा वेंचणुकेंत १० बुथांचेर २२ फावटीं मतदान केल्ल्याची नोंद वळेरेंत आसा, असो आरोप गांधी हांणी केला.
व्हिडियोंत ती पुर्तुगेज भाशेंत म्हणटा, इश्टांनो, हांव तुमकां एक विनोद सांगतां. हें सगलें भयानक आसा. म्हजो फोटो भारतांत मतदान करपा खातीर वापरतात. लोक झगडटात, हांव भारतीय अशें म्हणटात. कितें हीं पिशेपणां? म्हजो भारतीय राजकारणा कडेन कसलोच संबंद ना.
लॅरिसा हांणी सांगलें : तो फोटो म्हज्या मॉडेलिंगच्या सुरुवातेच्या काळांतलो. जेन्ना हांव १८-२० वर्सां पिरायेची आशिल्लीं. हांव केन्नाच भारतांत वचूंक ना. लोकांक फटोवपाक ते हांव भारतीय आशिल्ल्याचो दावो करतात. कितें हीं पिशेपणां? आमी खंयच्या संवसारांत वावुरतात?
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
