भांगरभूंय | प्रतिनिधी
पणजी, प्रतिनिधी ः गोंय लोक सेवा आयोगान तीन सरकारी नोकरच्या पदां खातीर कंम्प्युटर आदारीत भरती परिक्षा घेवपाचें थारायलां. जुलयाच्या १४ तारखेर ह्या पदां खातीर भरती परिक्षा जातली. गोंय लोक सेवा आयोगान सुचोवणी काडून विज्ञानीक सहाय्यक (जिएनए), सरकारी महाविद्यालयांत वाणीज्य फांट्यांत सहाय्यक प्राध्यापक आनी बांदकाम अभियंत्याचो व्याख्यातो ह्या पदां खातीर भर्ती परिक्षा जाहीर केल्या.
इत्सूक उमेदवारांक कळोवणी केल्या की तांणी फुडल्या तपशीला खातीर आपलो इमेल पळोवचो आनी हॉल तिकेट डावनलोड करची. जे उमेदवार ८ जुलय मेरेन हॉल तिकेट डावनलोड करपाक शकनात तांणी आपली हॉल तिकेट घेवपा खातीर कार्यालयीन वेळा भितर ०९ ते ११ जुलय मेरेन आयोगाचे कचेरेंत येवन वळख पत्रा सयत आपलो अहवाल दिवचो, अशें आयोगान कळयलां.
हॉल तिकेट सक्तीची आसा. ताचे बगर भरती परिक्षेंत वांटेकार जावपाक परवानगी दिवचे नात. उमेदवारांनी तांचे हॉल तिकेटीचेर नमुद केल्ल्या परिक्षा केंद्रांच्या नाम्याचेर वेळा पयली पावपाची वेवस्था उमेदवारांनी स्वता करपाक जाय, अशेंय आयोगान सुचोवणेंत म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
