भांगरभूंय | प्रतिनिधी
अमरावती, खबरां संस्था: अमरावतीच्या संदर्भ हॉस्पिटलांत हालींच दोतोरांनी एक सारकीच अजापाची अशी शस्त्रक्रिया केली. दोतोरांनी एका तीन दिसांच्या बाळकाच्या पोटांतल्यान दोन अर्भक शस्त्रक्रिया करुन काडले. ही शस्त्रक्रिया म्हणल्यार वैजकी मळार चमत्कार मानतात.
बुलढाण्यांतले गुरुवार बायलेच्या पोटांतल्या बाळकाच्या पोटांतूय अर्भक आशिल्ल्याचें समजलें. त्या बाळकाचेर शस्त्रक्रिया करपाचो निर्णय हॉस्पिटल प्रशासनान घेतलो. शस्त्रक्रिये मजगतीं दोतोरांक जें दिसलें तें सगळें अजाप करपा सारकें आशिल्लें. ३ दिसांच्या बाळकाच्या पोटांत एक न्हय तर दोन २ अर्भकां आशिल्लीं. सुमार १ वर चलिल्ले हे शस्त्रक्रिये उपरांत दोतोरांनी हे दोनूय अर्भक बाळकाच्या पोटांतल्यान भायर काडले आनी ह्या बाळकाक जीवनदान दिलें.
शस्त्रक्रिये खातीर बाळकाक अमरावतीच्या विभागीय संदर्भ सेवा केंद्रांत दाखल केलें. सुमार १०-१२ दोतोर आनी नर्सींच्या पंगडान ह्या बाळकाचेर शस्त्रक्रिया केली. एका दादलो जातीच्या बाळकाच्या पोटांतल्यान अर्भक काडिल्ल्याची देशांतली ही पयलीच घडणूक आशिल्ल्याचें दोतोरांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
