भांगरभूंय | प्रतिनिधी
‘कारखानू’, ‘गुगल मॅट्रीमोनी’, ‘राडोर पाखी’ चित्रपटांचो आस्पाव
भांगरभूंय । खबरां मेज
पणजीः इफ्फींत शेनवारा तीन ‘ऑफबीट’ चित्रपटांचें प्रदर्शन जालें. तातूंत कारखानू (गुजराती), राडोर पाखी (आसामी) आनी गुगल मॅट्रीमोनी ह्या चित्रपटांचो आस्पाव आशिल्लो. गूट, विनोद, भंय, मानवी संबंदांचो सोद आनी जिणेंतलीं आव्हानां झेलपाचीं तांक अश्या भावभावनांचें मिश्रण आशिल्ले हे चित्रपट आसात.
कारखानू चित्रपटाचे दिग्दर्शक ऋषभ थंकी हांणी सांगलें, हो हॉरर कॉमेडी चित्रपट गुजरातांतल्या लोककथांचेर आदारून आसा. अभिनेतो आनी निर्मीती खर्च केल्लो पार्थ दवे हांणी चित्रपटाचें वर्णन दोन वर्सांचो प्रवास, इल्लें व्यंगात्मक लेखन आनी वन- कट प्रकल्प अशें केलें.
राडोर पाखीचे दिग्दर्शक डॉ. बॉबी शर्मा बरुआ हांणी सांगलें, स्पायनल मस्कियुलर अॅट्रोफी म्हणल्यार कण्याचें एके तरेचें दुयेंस आशिल्ले चलयेचें संवेदनशील चित्रण ह्या चित्रपटांत केलां. गुगल मॅट्रीमोनी चित्रपटाचे दिग्दर्शक श्रीकार्थीक एस. एस. हांणी स्पश्ट केलें, हो चित्रपट म्हणल्यार जसो एक मानववंशशास्त्राचो भाग. निर्माते अभिनव जी. अत्रे हांणी सांगलें, तंत्रज्ञानाचो मानवी जिणेचेर कसो प्रभाव पडटा हाचो सोद ह्या चित्रपटाचे कथेंतल्यान घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
