भांगरभूंय | प्रतिनिधी
फोंडें, प्रतिनिधीः तिस्क – फोंडेंच्या कॉमर्स सेंटरांत आशिल्ल्या ग्लोबल व्हिजन ह्या वक्लांच्या दुकानांत उजो लागलो. ही घडणूक शेनवारा सकाळीं 9:30 वरांचे सुमाराक घडली. शार्ट सर्किटाक लागून हो उजो लागला, असो दुबाव आसा. ह्या उज्याक लागून लागसारच्या दुकानांतल्या वीज उपकरणांचें लुकसाण जालां. म्हायती मेळटाच फोंडें उजो पालोवपी दळाच्या जवानांनी येवन उजो पालयलो. उज्याक लागून दुकानदाराक व्हड लुकसाण जालां.
मेळिल्ले म्हायती प्रमाण, शेनवारा सकाळीं ग्लोबल व्हिजन वक्लांच्या दुकानांतल्यान अचकीत धुंवर भायर सरपाक लागलो. शेजारच्या दुकानदारांनी रोखडेच फोंडें उजो पालोवपी दळाक कळयले आनी कर्मचाऱ्यांनी येवन उजो पालयलो. उज्यांत दुकानांतले सामान लासून गोबर जाले. तशेंच लागसारच्या आनीक एका दुकानांतले संगणक आनी लॅपटॉप आनी बँकेच्या कार्यालयाचेय लुकसाण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
