भांगरभूंय | प्रतिनिधी
नवी दिल्ली, खबरां संस्था ः वित्तीय वर्स 2023-2024 च्या ऑक्टोबर-डिसेंबर तिमाहींत एकूण देशांतल्या उत्पादनांत म्हळ्यार जीडीपींत 8.4% वाड जाली. उत्पादन आनी खण क्षेत्रांतल्या बऱ्या कामगिरीक लागून जीडीपींतक वाड जाल्या. राष्ट्रीय सांख्यिकी कार्यालयान (NSO) बिरेस्तारा (29 फेब्रुवारी) हो डेटा जाहीर केला.
फाटले तिमाहींत जीडीपी 7.6% आशिल्ली. अपेक्षा परस चड वाड फकत शारांतली चड विक्री, उत्पादन आनी चड सरकारी खर्च हाका लागून जाली. उत्पादन वाड 13.9% जाल्यार बांदकामांत 13.3% वाड जाली. जाल्यार एका वर्सा आदीं 2022-23 वर्साच्या तिसरे तिमाहींत जीडीपींत फकत 4.5 टक्क्यांनी वाड जाल्ली.
उत्पादन वाड 11.6%
० खणकाम वाड – 1.4% वयल्यान 7.5% मेरेन वाडले.
० उत्पादन वाड वर्सुकी आदाराचेर – 4.8% आशिल्ली ती 11.6% मेरेन वाडली.
० बांदकामाची वाड वर्सुकी आदाराचेर 9.5% उरली.
वित्तीय वर्स 2024 त 6.4% जीडीपी वाडाचो अदमास
हालींच एस अँड पी ग्लोबल रेटिंग्स कंपनीन जीडीपी अदमास जाहीर केला. एस अँड पीन भारताच्या एकूण देशांतल्या उत्पादनांत (जीडीपी) वाडीचो अदमास वित्तीय वर्स 2024 खातीर 6.4 टक्क्यांनी वाडयला. पयलीं तो 6% आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
