भांगरभूंय | प्रतिनिधी
भांगरभूंय । प्रतिनिधी
मडगांवः मडगांवचें युवा मित्र मंडळ आनी क्रिकेट मोगींनी आयोजीत केल्ली तिसरी फ्रेंडशीप शिल्ड 2024 टी-20 क्रिकेट सर्त मळकर्णे आनी कुडचडें मैदानार 3 फेब्रुवारीच्यान खेळयतले. अदूं हे सर्तींत 16 पंगड वांटेकार जाल्यात. मॅची दर शेनवार आनी आयतारा जातल्यो. आयोजकांनी सर्तीचें वेळापत्रक जाहीर करपा खातीर आयोजीत केल्ले कार्यावळींत ही म्हायती दिली.
मॅची सकाळी 8.45 आनी दुसरी मॅच 12.45 वरांचेर जातली. सर्तींत वेवसायीक तशेच राष्ट्रीय पांवड्यार गोंयचे प्रतिनिधीत्व करपी खेळगड्यांक खेळपाक मेळचें ना. लीग फेरयेंत जैतिवंत पंगडाक दोन गुण आनी मॅच ड्रॉ जाल्यार दोनूय पंगडांक दरेकी एक गुण मेळटलो. बाद फेरयेंत गरज पडल्यार सुपर ओव्हर आसतली. सर्तीच्यो उपांत्य मॅची 2 मार्चाक आनी फायनल 3 मार्चाक जातली. गोमंत कला असोसिएशन सर्तीचे सहयोगी आयोजक आसात. सर्त आयोजीत करपाक दिनराज पै खोत, कौशीक वैकुंठ पै फोंडेकार, अमोघ नमशीकार, शौमित सावर्डेकार, सुदीप फळदेसाय, गौरव बोरकार, दिपांकर नायक, निखिल फळदेसाय, गौरव फळदेसाय, कृष्णकांत हेगडे देसाय आनी निकीत दलाल हाचो म्हत्वाचो वाटो आसा.
सर्तींत वांटो घेवपी पंगड- नायट आर्चर्स, फोंडा स्ट्रायकर्स, मडगाव हरिकेन्स, रेंजर्स, अंत्रुज रायझींग स्टार्स, गिजमोस ग्लेडियर्स, सडन स्टॉर्म, ट्रायडेंट्स क्रिकेट क्लब, यंग स्टार्स ऑफ मौला, रॉयल सुपरनोवास, युनायटेड डिव्हाईन बॉईज, गोवन ग्लेडियटर्स, पिनाकी पॅन्थर्स, घुमटेश्र्वर मडगाव, कुडतरी वॉरियर्स आनी स्पोर्टस एण्ड वेलफेअर क्लब ऑफ झायनो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
