भांगरभूंय | प्रतिनिधी
पुलिशेचे मजतीन सरपंचाची मोहीम
भांगरभूंय । प्रतिनिधी
मडगांवः गोंयांत देशांतल्या विवीध वाठारांतले लोक येवन रावतात. उत्तर प्रदेश, बिहार, झारखंड, दिल्ली, मध्यप्रदेश राज्यांतले लोक कुटुंबाक घेवन येतात आनी मेळटा थंय रावतात. बांगलादेश, नेपाळचे कामगार एक वेळचें जेवण आनी उण्यां पगारांत कसलेंय काम करपाक तयार आसतात. आयज गोंयांत चोरी, बलात्कार, दरोडे आनी हेर गुन्यांवांचो आंकडो वाडपाक लागला. हे फाटभुंयेर तिवऱ्याचे वरगांवचे सरपंच जयेश नायक हांणी भाड्याक रावप्यांची पुलिसांचे मजतीन खर चवकशी मोहीम हातांत घेतल्या.
कांय बिगर गोंयकार बनावट आधार कार्ड, मतदार कार्ड करून गोंयांत राबितो करतात. फोंडें म्हालांतल्या चारूय मतदारसंघांत सध्या बिगर गोंयकारांक घरां, कुडी आनी जमीन भाड्याक दिवपाचो वेवसाय व्हड प्रमाणांत सुरू आसा. कुंडय, मडकय, बेतोडें, शिरोडें, पंचवाडी आनी फोंडें सावन 13 किलोमिटर अंतराचेर उद्देगीक वसणूक आसा. तातूंत कितलेशेच उच्चशिक्षीत तशें कंत्राटी कामगार काम करतात. ते कामगार शिरोडें, बोरी, फोंडें, बेतोडें, मडकय, म्हाड्डोळ, माशेल, भोमा ह्या सारकिल्या लागसारच्या गांवांनी भाड्याक रावतात.
सादुरकायेचो उपाय म्हूण तिवरें- वरगांवचे सरपंच जयेश नायक हांणी आपल्या प्रभागांत भाड्याक रावप्यांची पुलिसांचे मजतीन चवकशी केली. त्या प्रभागांत सुमार 200 लोक भाड्याक रावतात अशें दिसून आयलें. तातूंतल्या कांय जाणां कडेन वळखपत्रां तशेंच गरजेचीं कागदपत्रां नाशिल्ल्याचेंय स्पश्ट जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
