भांगरभूंय | प्रतिनिधी
दर दिसा 70 लाख प्लास्टीक बाटल्यांचेर प्रक्रिया
तिरुपूर, खबरां संस्था ः तमिळनाडूचे तिरुपूर देशांतलें पयलें रसायनीक कोयर मुक्त उद्देगीक थळ थारलें. हांगाच्या कारखान्यांतल्यान रसायनीक कोयर भायर वचना. चेन्नय सावन 450 किमी पयस कापड उद्देगा खातीर फामाद आशिल्ल्या तिरुपूरान शाश्वत उदरगतीचे ध्येय चीना परस 9 वर्सा पयलीं साध्य केलें. हांगाच्या 10 हजार कारखान्यांतल्यान येवपी कोयराक लागून हो वाठार प्रदुशीत जाल्लो. जायतीं तळीं सुकिल्ली. 2017 वर्सा भूंयगत उदकाची पातळी 1000 फूट सकयल देंविल्ली. नोएल न्हंयेंतलें नुस्तें मरत आशिल्लें आनी सुकणीं येवप बंद जाल्लीं. पूण 2014 वर्सा तिरुपूरांतल्या कारखान्यांनी कोयराचेर प्रक्रिया करपाक सुरवात केली. ताका लागून नोएल न्हंय व्हांवपाक लागली. सुकणीं येवपाक लागलीं. सुकिल्ल्या 22 तळयांचो परतून जीर्णोद्धार जालो. भूंयगत उदकाची पातळी १५२- ३०० फूट मेरेन पावली. 2011 वर्सा प्रदुशणाक लागून 720 कारखान्यांचेर बंदी घाल्ली अशें तिरुपूर निर्यात संघटनेचे संयुक्त सचीव कुमार दुराय स्वामी हांणी सांगलें. हाचे उपरांत 2014 वर्सा सावन तिरुपूरच्या उद्देगधंद्यांनी इकोसिस्टिम सुदारपाचे यत्न सुरू केले.
दर दिसा 70 लाख प्लास्टीक बाटल्यांचेर प्रक्रिया
लोचना इंडस्ट्रीजचे मुखेली शबरी गिरीश हांणी दिल्ले म्हायती प्रमाण, तिरुपूर दिसाक 70 लाख प्लास्टीक बाटल्यांचेर प्रक्रिया करून उद्देगीक उत्पादनां तयार करता. तंत्रीक कपडो प्लास्टीकच्या बाटल्यां पसून तयार करता. तो विंडमिलाचो ब्लेड, रस्ते बांदपाक वापरिल्ल्या जिओ फायबरांक प्रतिस्थापित करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
