तिकेटी पसून ट्रेन स्टेटसा मेरेनच्यो सगल्यो सेवा एकेच कडेन: रेल्वेचो ’स्वरेल’ अॅप लॉंच

भांगरभूंय | प्रतिनिधी

इंडियन रेल्वे कंपनीन अँड्रॉयड वापरप्यां खातीर आपलो नवो अॅप ‘स्वरेल’ सुरू केला. ह्या अॅपा वरवीं प्रवाशांक तिकीट बुकींग ते रेल्वेचो दर्जो आनी जेवणाची ऑर्डर दिवपा मेरेन सगळ्यो सेवा एकेच सुवातेर मेळटल्यो. हाचे भायर हो अॅप वापरून वापरप्यांक तांच्या प्रवासाक संबंदीत खंयचोय प्रस्न सहजतायेन सोडोवंक मेळटलो. सेंटर फॉर रेल्वे इन्फॉर्मेशन सिस्टीम (सीआरआयएस) हे संस्थेन ताची उदरगत केल्या.
‘स्वरेल’ भारतीय रेल्वेची वेगवेगळी डिजिटल सेवा एकाच प्लॅटफॉर्माचेर एकठांय हाडटा, जाका लागून प्रवाशांनी वेगवेगळीं अॅप्लिकेशनां डावनलोड करपाची गरज ना. देखूनच ताका सुपर अॅप म्हणटात.

हो अॅप कसो वापरचो?
स्वरेल हो अँड्रॉयड वापरप्यां खातीर गुगल प्ले स्टोअराचेर उपलब्ध आसा. आतां मेरेन १ लाखां परस चड लोकांनी तो डावनलोक केल्या. तशें, हो अॅप अॅप स्टोअरांत उपलब्ध आसा. अँड्रॉयड वापरकर्ते तो डावनलोड करपा खातीर सकयल दिल्ले स्टॅप्स फॉलो करपाक शकतात.

स्टॅप-१: मोबायलाचेर गुगल प्ले स्टोअर उघडात, ‘स्वरेल’ सोदात आनी इंस्टॉल करात. ह्या आयकॉनाचेर क्लिक करात.
स्टॅप-२: बीटा व्हर्जन वापरपी वापरकर्ते अॅप उघडटात, IRCTC Rail Connect वा UTS मोबायल युजरनेम/पासवर्डान लॉगइन करतात.
स्टॅप-३: नवे वापरकर्ते नोंदणी पर्याय निवडात, मोबायल नंबर, ईमेल आनी पासवर्ड घालून खातें तयार करात.
स्टॅप-४: MPIN सेट करात वा फिंगरप्रिंट वा फेस आयडीन लॉगीन करात, अतिथी लॉगिना खातीर मोबायल नंबरा सयत OTP वापरात.
स्टॅप-५: पयल्या लॉगिनाचेर आर-वॉलेट आपोआप तयार आशिल्लो, सध्याचें यूटीएस आर-वॉलेट लिंक करतले.
स्टॅप-६: होमपेजीचेर, आरक्षीत/अनारक्षीत/प्लॅटफॉर्म तिकीट निवडा, स्टेशन, तारीख, वर्ग आनी बुकिंग एंटर करात.
हेर सेवा: पीएनआर स्थिती तपासा, ट्रेन लायव्ह ट्रॅकिंग, फूड ऑर्डर, रेल मदतकडेन कागाळ, रिफंड मागणी आनी कोचची स्थिती.

आयआरसीटीसी अॅपाची गरज सोंपची ना
नवें अॅप आयले उपरांत आयआरसीटीसीचें म्हत्व कायम उरतलें, कारण हें प्लॅटफॉर्म रेल्वे तिकीट बुकिंग आनी पर्यटन सेवांचेर केंद्रीत आसा. ’स्वरेल’ हें एक-स्टॉप सोल्यूशन म्हणून काम करलें, जंय तिकेट बुकिंगा वांगडाच हेर जायत्यो सुविधाय उपलब्ध आसतल्यो. हें अॅप रेल्वेच्या डिजिटल सेवा सुरळीत करून वापरकर्त्यांक बरो अणभव दितलें.