भांगरभूंय | प्रतिनिधी
भांगरभूंय । प्रतिनिधी
दिवचलः बोड्डें- दिवचलच्या अक्षय आनंद तिरोडकार (35) ह्या पुलिस कॉन्स्टेबलाक ताळगांवा आयोजीत केल्ल्या मेगा जॉब फॅरांत बंदोवस्ताक आसतना काळजा आताक येवन मरण आयलें. पणजेच्या येरादारी पुलीस विभागांत तो काम करतालो.
ताळगांवा जॉब फॅरांत बंदोबस्ताचें काम करतना तिरोडकार हाका काळजा आतांक आयलो आनी हॉस्पिटलांत व्हरतगीर दोतोरांनी ताका मरण आयिल्ल्याचें जाहीर केलें. तिरोडकार पयली दिवचल पुलीस स्टेशनांत आशिल्लो. ताका अचकीत मरण आयिल्ल्यान बोड्डें वाठारांत दुख्खायी सया पातळ्ळ्या. बुधवारा सकाळीं 11 वरांचेर बोर्डें मसंड भुयेंत ताचे कुडीचेर निमणे संस्कार करतले. ताच्या फाटल्यान घरकान्न, एक ल्हान चलो आनी चली, आवय, बापूय, भाव आनी भयण असो घराबो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
