भांगरभूंय | प्रतिनिधी
भांगरभूंय । प्रतिनिधी
म्हापशेंः 15 लाख रुपये ओव्हेल्टी रक्कम न्यायालयांत जमा केल्ल्याचें भासोवन आनी न्यायालयाची बनावट पावती तयार करून न्यायालया वांगडाच आपल्या अशिलाची फटवणूक करपाच्या प्रकरणांत दुबावीत अॅड विश्राम ताळगांवकार (म्हापशें) ह्या वकिलाचो अटकपूर्व जामीन अर्ज म्हापशेंच्या फास्ट ट्रेक न्यायालयान भायर मारलो.
न्यायाधीश शिल्पा पंडित हिचे कागाळे वयल्यान पुलिसांनी 12 एप्रील 2022 दिसा गुन्यांव नोंद केल्लो. व्हो फटवणुकेचो प्रकार 11 सप्टेंबर 2017 दिसा घडल्लो. म्हापशें पयलो वर्ग न्यायालयांत वंदना अनंत पळ हिचो 2010 वारसा हक्के (इन्वेंटरी प्रक्रिया) केश दाखल केल्ली. पळ हांणे अरविंद देसाय आनी विणा देसाय ह्या आपल्या सोयऱ्यांक 15 लाख रुपये ओव्हेल्टी रक्कम दिवपाची आशिल्ली. सप्टेंबर 2017 वर्स वंदान पळ हांणी ही रक्कम ओल्हेल्टी रक्कम न्यायालयांत जमा करपा खातीर आपली वकील विश्राम ताळगांवकारा कडेन दिल्ली. ताणे ती न्यायालयांत जमा केली अशें सांगून पावती वंदना पळ हिका दिल्ली. पावतेचेर 11 सप्टेंबर 2017 अशी तारीक आशिल्ली.
वंदनान ही पावती आपल्या सोयऱ्यां कडेन दिली. ओव्हेल्टी पंयशांचेर दावो सागून ते न्यायालया कडल्यान मेळोवपा खातीर ती पावती अरविंद देसाय आनी विणा देसाय हिणे न्यायालयाक सादर केल्ली. मात पावते प्रमाण 15 लाखांची ओव्हेल्टी रक्कम न्यायालयांत जमा जाली ना. तशेंच ही पावती बनावट आशिल्ल्याचें न्यायालयाचे नदरेक आयलें. ते पावतेचेर न्यायालयचो स्टॅम्प नाशिल्लो.
फटवणुकेचो हो प्रकार उक्ताडार येतगीर न्यालायलान अंतर्गत चवकशी केली. तशेंच 21 साक्षिदारां सयत ह्या प्रकरणाचो अहवाल जिल्हो न्यायालयांक सादर केलो. ते उपरांत न्यायाधीश शिल्पा पंडित हिणे फटवणूक आनी बनावटगिरीक लागून पुलिसांत कागाळ केली. ते उपरांत पुलिसांनी ताळगांवकारा आड गुन्यांव नोंद केलो. उपरांत ताळगांवकारान फास्ट ट्रॅक आनी अतिरिक्त जिल्हो आनी सत्र न्यायालायंत अटकपूर्व जामिना खातीर अर्ज सादर केलो. दोनयू पक्षकारांची बाजू आयकून घेतले उपरांत अटकपूर्व जामीन अर्ज भायर मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
