भांगरभूंय | प्रतिनिधी
भांगरभूंय । प्रतिनिधी
पोरणे गोंयः पोरण्या गोंयांत आशिल्ल्या विशेश भुरग्यां खातीरचे सेंट झेवियर हे संस्थेंत ग्रेसी विभूती नायक हे सात वर्साच्या भुरग्याक तापल्ल्या उदकाच्या टबांत पडून मरण आयलें. पोरणे गोंय पुलिसांनी दिल्ले म्हायती प्रमाण फाटल्या आयतारा सांजे 5 वरांचेर नायक आनी हेर भुरग्यांक न्हांवपा खातीर व्हल्ले कडेन ही धडणूक जाली.
ग्रेसी नायक अकस्मात तापल्ल्या उदकाच्या टबांत पडलें ताका रोखडेंच बांबोळे जीएमसींत व्हेलें मात सोमाराक ताका मरण आयलें. संस्थेची वॉर्डन रिटा फर्नाडीस आनी हेल्पर मीना दाब्रे हांच्या घाळपणा खातीर ताचे आड गुन्यांव नोंद केला. उपनिरीक्षक विराज धावस्कारान पंचनामो करून तपासाक सुरवात केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
