भांगरभूंय | प्रतिनिधी
पणजीः फाटल्या कांय दिसां सावन राज्यांत उश्णताय वाडत आसा. सोमारा दाबोळे चडांत चड तापमान 34.9 अंश सेल्सियस नोंद जालें. पणजेंत चडांत चड तापमान 34.6 अंश आनी मुरगांवां 34.5 अंश आशिल्लें. फुडल्या स दिसां खातीर राज्यांत चडांत चड तापमान 35 अंश आनी उण्यांत उणें तापमान 23 ते 24 अंश सेल्सियस आसपाची शक्यताय आसा.
हवामान खात्याच्या स्वयंचलीत केंद्राच्या नोंदी प्रमाण सोमारा साळगांवां चडांत चड तापमान 35.8 अंश, जुनागढांत 35.5 अंश, म्हापश्यां 35.5 अंश, पेडण्यां 34.3 अंश आनी मोपा उण्यांत उणें तापमान 34.8 अंश आशिल्लें 21.2 अंश सेल्सियस तापमानांत नोंद जालां. पणजेंत सोमारा उण्यांत उणें तापमान 23 अंश सेल्सियस आशिल्लें. मुरगांवां उण्यांत उणें तापमान 23.3 अंश सेल्सियस नोंद जालां.
हवामान खात्यान दिल्ले म्हायती प्रमाण 21 ते 26 जानेवारी मेरेन राज्यांतलें हवामान सुकें उरपाची शक्यताय आसा. ह्या वेळार कांय सुवातींनी धुकें पडपाची शक्यताय आसा. 21 आनी 22 तारखेक वाऱ्याचो वेग वराक 35 ते 55 किमी. आसपाची शक्यताय हवामान विभागान उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
