भांगरभूंय | प्रतिनिधी
भांगरभूंय । प्रतिनिधी
दिवचलः तानोडीवाडो- पिर्ण हांग्या राष्ट्रोळी ब्राम्हण संस्थे वतीन सिद्धिविनायक ओक्युपेशनल हेल्थ सर्व्हिस, आध्या एंटरप्रायज आनी विठोबा म्हालकार ह्याच्या पालावन अखील गोंय पांवड्या वयली चित्रकला आनी रांगोळी सर्त आयोजीत केल्या. आयतार 13 नोव्हेंबराक राष्ट्रोळी ब्राम्हण देवस्थान सभाघरांत ही सर्त जातली.
चित्रकला सर्तीक सकाळीं 10 वरांचेर सुरवात जातली. दरेका सर्तकाक दोन वरां मेळटलीं. तीन गटांत ही सर्त घेतले. 8 वर्सां पिराये सकयल्ल्या सर्तकां खातीर तांका आवडटा तें शेंवण व फुल हो विशय आसतलो. 9 तें 13 वर्सा पिरायेच्या सर्तकां खातीर सैम देखावो पितारचो पडटलो. 14 वर्सां पयले पिरायेच्या सर्तकां खातीर दिवाळी हो चित्रकलेचो विशय दवोरला. सर्तकान आपले रंग साहित्य वांगडा हाडचें पडटलें, कागत आयोजक दितले. जल्म तारीख आशिल्लें वळखपत्र तांणी हाडपाक जाय. प्रवेश फी आसची ना
रांगोळी सर्त 3 ते 5 मजगतीं जातली. हे सर्ती खातीर दिवाळी हो विशय दवोरला. सगल्या पिरायेच्या बायल आनी दादल्यांक ही सर्त उक्ती आसा. गटां मदीं ही सर्त घेतले. दरेका गटांत फकत दोन सर्तकांक वांटो घेवपाक मेळटलो. रांगोळी पुस्तकां व छापील कागदां वापरपाक मेळचीं नात. सर्तीं खातीर 50 रुपये प्रवेश फी आसा. इत्सुकांनी आपलीं नांव नोंदणी 13 नोव्हेंबर मेरेन करची. चडावत म्हायती खातीर अधिराज (9764628544), अश्वेता शेट (8390920506) हांचे कडेन संपर्क सादचो अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
