भांगरभूंय | प्रतिनिधी
पणजी: राज्यसभा खासदार सदानंद तानावडे हांणी नवी दिल्लीक लाल किल्ल्या सामकार आयोजीत भारत पर्व उत्सवाक भेट दिली. तांणी गोंयच्या पर्यटन खात्याच्या दालनाक भेट दिवन राज्याचो समृध्द सांस्कृतीक दायज, पर्यटन साधनसुविधा आनी इतिहासीक दायज प्रदर्शनाची पळोवणी केली.
पर्यटन खात्याचे भिवा गांवकार, म्हायती आनी प्रसिध्दी खात्याचे जोड संचालक पंकज मराठे, सहाय्यक म्हायती अधिकारी श्याम गावकर हांणी तानावडे हांकां येवकार दिलो.
तानावडे हांणी गोंयच्या कलाकारां वतीन सादरीकरण केल्ली गोंयची पारंपरीक लोककला आनी सांस्कृतीक कार्यावळींक हाजीर रावन कलाकारांची तोखणाय केली. तशेंच तांणी भारत पर्व २०२६ उत्सवात स्वतंत्रता का मंत्र-वंदे मातरम् ह्या संकल्पनेतल्यान गोंय मुक्ती चळवळ आनी गोंयच्या पारंपरीक लोकनाच आनी सांस्कृतीक दायजाचें दर्शन घडोवपी चित्ररथाक भेट दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
