भांगरभूंय | प्रतिनिधी
पणजीः राज्यसभा खासदार आनी भाजपा गोंय अध्यक्ष सदानंद शेट तानावडे हांची संसद स्थायी वाणिज्य समितीचे वांगडी म्हणून नेमणूक केल्या. जाल्यार दक्षीण गोंयचे खासदार कॅप्टन विरियातो फर्नांडीस हाची संसद संरक्षण समितीचे वांगडी म्हणून नेमणूक जाल्या.
हालीं संसदेन वेगवेगळ्या प्रकारच्यो समित्यो जाहीर केल्यात. तातूंत तानावडे हांची संसद स्थायी वाणिज्य समितीचे वांगडी म्हणून नेमणूक जाल्या. वाणिज्य स्थायी समिती देशाची अर्थीक धोरणां, ते विशींचे अहवाल आदी गजालींचो वावर करता.
संरक्षण समितीचे वांगडी म्हूण भारतीय नौदळांत 26 वर्सां काम केल्ल्या कॅप्टन फर्नांडीस हांचो अणभव नेमणूक करतना विचारांत घेतिल्लो. 1999 वर्सा कारगील झुजांत ताणें केल्ल्या उत्कृश्ट कामगिरी खातीर तांकां मान्यताय मेळ्ळी. संरक्षण दळ घटमूट करपाक आपूण पुराय मनान योगदान दितलों अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
