भांगरभूंय | प्रतिनिधी
आ मी साबार तरांच्यो थॅरेपी आयकल्यात. तातूंत कांय जाणांक गुण लेगीत आयला, पूण आवाजाची थॅरेपी तुमी आयकूंक नासतली. अर्जुन अरोडा हो ही थॅरेपी घेवन आयला. ताचो बाबा लश्करांत आसता. म्हत्वाची गरज म्हणल्यार ताणें स्वताच ही थॅरेपी सोदून काडल्या. तो आयआयटी मद्रासचो विद्यार्थी. बापायची लश्करांतली नोकरी म्हणटकच ताका वेगवेगळ्या गांवांत रावन शिकचें पडटलें. सुरवातीक ताचें कुटुंब मुंबय आयलें. ताका वाचनाची खूब आवड. तो कल्पक, सृजनशील आशिल्ल्यान नवें सोदून काडप ताच्या रक्तांतूच आशिल्लें. तो बेसबरें जाणां आशिल्लो की संगीत मनशाक एक प्रकारचें सूख दिता. ताण उणो करता. ह्या विशया वयलें तो वाचतालो. ताका लक्षांत आयलें की आवाजा परस ताचीं कंपनां आमकां खऱ्यांनीच उपेगी पडटा.
ताणें आवाजाचेर आदारीत उपचार पद्दत सोदून काडली आनी सर्ववेद नांवाची एक वेबसायट सुरू केली. ताचेर तो वर्गूय घेवपाक लागलो. दुयेंतींकूय बरें दिसूंक लागलें. तांचो ताण उणो जावंक लागलो. आमकां ताण ना अशें कोणूच म्हणपाक शकना. फक्त तो कसो उणो करप हाची काळजी आमी घेवंक जाय. एकदां ताण वाडलो काय सगलें वेळपत्रक इबाडटा. सुस्त झेम पडना. मागीर ल्हव ल्हव करून दुयेंसां येतात.
ताण उणो जातलो तर आमची तकली शांत जाय. ताण आसूंक जायना म्हूण आमी मागीर खंयच्या तरी दोतोरान दिल्लीं वखदां घेतात. बरें दिसता खरें, पूण सायड इफेक्ट जातात. मात आवाज उपचारा वरवीं तुमकां सायड इफेक्ट जायनात. गुण मेळपाक उशीर लागता, पूण सायड इफेक्ट जायनात. अर्जुन अरोडा सांगतात, हांव ध्वनीचेर आदारिल्ली उपचार पद्दत करतां. तीं हांवेंच सोदून काडली. मागीर वेबसायटचेर ही पद्दत लोकांचेर वापरुंक लागलो. तांच्यो प्रतिक्रिया आयल्यो. तांचे कडेन चवकशी केल्यार तुमकां कळटलें. तुमचे भितर कसलोच ताण आसा, जाल्यार तुमी म्हाका सांगचें.
अरोडाचो नंबर आसा, 95359 75075 संकेतथळ आसा, www.sarveda.com. तांचो इमेल आसा,
[email protected]. तांचे कडेन तुमी संपर्क करूं शकतात. वेबसायटीचेर पत्तो आसा. अर्जून सांगतात, ध्वनी येवपाक हांव खास धातूचें खास आयदन वापरतां. तातूंतल्यान आवाजाचीं जीं कंपनां येतात, तीं आयकतकच तुमकां गुण पडटा. संगीत उपचारान लेगीत विशिश्ट प्रकारान जर संगीत काडलें जाल्यार उपचार म्हूण तें बऱ्याक पडटा. ताचो वायट परिणाम म्हणल्यार ते आयकून तुमकां उपेग जावचो ना, इतले. आनी कसलेच परिणाम जायना. हांवें जरी गुरू करूंक ना तरी कर्नाटकांत आसतना एका मठांत रावतालो. जायतीं पुस्तकांय वाचलीं. ह्या विशया वयलीं तर खूबच वाचलीं. म्हाका विस्वास दिसलो की ही थॅरेपी बरी आसा. आमचे भितर जी शक्त आसा, तिचो अदमास आमी करूंक शकनात. व्हील पावर आसता ती आमकी वळखूंक जाय. ती चड ताकदीची कशी जातली हाचेर उपाय करपाक जाय. खंयची उपचार पद्दती काम करता, ती निमाणी त्या दुयेंतीच्या इत्साशक्तीचेर अवलंबून आसता. तांणी जर विस्वास दवरलो जाल्यार ती तुमच्या उपेगाक पडटा. तुमकां आवड आसा, जाल्यार तुमी म्हज्या आॅनलायन कोर्साचो लाव घेवंक शकतात, अशें अर्जुन सांगतात.
धावे- बारावेचो दर्जो
गोंय सरकारान आयटीआय विद्यार्त्यां खातीर एक बरी खबर हाडल्या,
जर तुमी आठवी वा बारावी जावन दोन वर्सां अप्रेंटिस म्हूण खंयच्या आस्थापनांत नोकरी करशात तर तुमकां धावी, बारावेचो दर्जो मेळटलो. चड चवकशी खातीर तुमी आयटीआय केंद्रांत वच्चें. त्याच वांगडा तुमी जर खास करून दिसाळीं वाचपाची संवय लायशात जाल्यार तुमकां बँक, लश्कराच्यो जायराती मेलटल्यो. दरवर्सा हांगां नोकऱ्यो आसतात. आमच्या आळसा खातीर आमी आमकां हेर कडेन चड रस आशिल्ल्यान आमी त्यो पळयनात. तेन्ना दिसाळीं वाचपाची संवय लायात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
