भांगरभूंय | प्रतिनिधी
परिक्षेचे दीस लागीं पावले तशें धडधडूंक लागप, हें सभावीक. पूण हें उणें कशें करप? हे खातीर मार्गदर्शन जाय पडटा. जायते खेपे आमकां ताण येता, तो कळना. मागीर खंयचें तरी दुयेंस घेवन भोंवचें पडटा. म्हणून तुमी आदींच यत्न करपाक जाय. ही संद तुमकां अर्चना मुजूमदार (मुंबय) आॅनलायन वर्गांतल्यान दिता. आपल्या खाशेले कार्यावळी वरवीं ती मार्गदर्शन करता. ती हातूंतली तज्ञ. तिच्यो दोन संस्था आसात. मुंबय वचप सगल्यांकूच शक्य जायना. देखून तांच्या आॅनलायन वर्गाचो लाव घेवप बरें.
रोखड्योच गोंयांत धावी, बारावेच्यो परीक्षा सुरू जावपाच्यो आसात. मंडळान शाळांक तारीख कळयल्या. जे विद्यार्थी परिक्षेक बसपाचे आसात, तांकां ताण, तणाव आसतलोच. मुजुमदार ताण येवपी गजालीं कडेन कशें पळोवप हाचेर मार्गदर्शन करतात.
खंयचीय गजाल आसूं, ती सुरू करपी मनशाक उणो, अधिक ताण हो आसताच. ताचेर नियंत्रण कशें दवरप हें कळपाक कोणाचें तरी मार्गदर्शन वा धीर दिवपी व्यक्ती जायच. मुजूमदार हांचे कार्यशाळेंत असले दुबाव पयस जावपाची संद आसा. रेडियोचेर मन की बात कार्यावळींत आमचे भोवमानादीक प्रधानमंत्री नरेंद्र मोदीजी परिक्षेच्या ताणा विशीं उलयतना ताचे कडेन आमची नदर कशी आसचे, हें खूब बरे पद्दतीन सांगतात. हें फक्त आयकूंक मेळटा, पूण तुमकां कितें दुबाव आसत जाल्यार वर्गांतूच येवचें पडटा. मुजूमदार हांच्या वर्गांत तुमकां तुमचे दुबाव विचारपाची संद आसा. तिणें संगीतांतल्योय पदव्यो मेळयल्यात. ताचोय वापर कसो करप हें ती सांगता. संगीता भितर जादू आसा, बरें संगीत तुमचो तणाव उणो करपाक शकता. थोड्यांक कसलो तरी भंय दिसता. तो बेगीन काडटा तितलो बरो. परीक्षा म्हणल्यार कितें तें कळत जाल्यार ही भिरांत ना जातली. ताण येवचो ना. सादें उदाहरण घेवया. एखादी इलेक्ट्राॅनीक वस्त रिबूट करतकच बरें काम करता. तेच परीन आमचो मेंदू लेगीत रिबूट करूंक जाय. हें काम कशें करप हें मुजूमदार कार्यशाळेंतल्यान तुमकां सांगतली. ताण जावं भिरांत ही वेळारुच पयस करपाक जाय. नाजाल्यार तुमकां एखादें दुयेंस जावं येता.
आयज मेरेन मुजूमदार हांणी कितल्योशोच कार्यशाळा घेतल्यात. कितल्याशाच जाणांचो भंय पयस केला. ताण उणो केला. आमचें मन इबाडपाक न्हयकारात्मक लहरी दितात, त्यो वायट गजाली पयस केल्यार तुमकां चड यश मेळूंक शकता. तुमकां खरी गरज आसा ती हयकारत्मक लहरींची. ज्यो तुमकां फुडें वचपाक मजत करपाक शकतात. हे कार्यशाळेंत मांयड मॅपाच्या आधुनिक तंत्रान तुमकां न्हयकारात्मक विचार बदलपाक मजत जाता. पयलीं आधुनिक तंत्रगिन्यान नासलें तेन्ना हें करपाक कठीण जातालें. मात आतां इत्साशक्त आनी योगाच्या बळग्यार पसून तुमी वायट विचार बदलपाक शकतात.
कार्यशाळांतल्यान तुमकां मार्गदर्शन मेळटा. ताचो लाव तुमी घेवपाक जाय. तुमी खंयचेय सुवाते वयल्यान ह्या वर्गांत वांटो घेवपाक शकतात. ते खातीर 98208 86428 ह्या क्रमांकाचेर फोन करून तुमी वेळ थारावंक शकतात. मुजूमदार हांचो ईमेल आसा, [email protected].
मुड आसप ना, आयचें काम फाल्यांचेर धुकलप, काम करपाक आळस करप, निरशेवणी येवप, किरकीर, पिरपीर करप, कोणाचेरुय तापप, दुयेंसांची कागाळ करप हे सारक्या गजालींचो उगम हो ताणाक लागून जाता. जे कोण शिकतात, तांकां परिक्षा चुकना. आतां तर विवीध फाट्यांनी प्रवेश घेवपाक पसून परिक्षा दिवच्यो पडटात. जिणेंतल्यो हेर व्हड परिक्षा दिवपाक पसून ह्या मार्गदर्शनाचो उपेग जातलो, हातूंत दुबाव ना.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
