भांगरभूंय | प्रतिनिधी
कल्याण, खबरां संस्था: मुंबय- कल्याण शारांत एक अजाप करपा सारकी गजाल घडली. एका भावान आपल्या खाश्या भावाचोच जीव घेतलो. तोय बी ५०० रुपयां खातीर. पांचशें रुपयांच्या वादांतल्यान एकल्यान आपल्याच खाश्या भावाचो सुर्यान खून केलो. आरोपी सलीम शमीम खानान आपलो ल्हान भाव नईम शमीम खानचो खून केलो. पुलिसांनी १२ वरां भितर आरोपीक अटक केलो.
मेळिल्ले म्हायती प्रमाण, कल्याण पश्चीम हांगा रोहिदासवाडो वाठारांत खान कुटुंब रावता. ह्या कुटुंबांत आई सयत तीग भाव वांगडा रावतात. मात खुनाची ही घडणूक घडली ते राती कडेन नईम हांणी आपले पांचशें रुपया घेतल्यात, असो दुबाव सलीमाक आयलो. उपरांत पयशांच्या मुद्दयावेल्यान त्या दोगांय मदीं बरोच वाद जालो. उपरांत तिडकीन सलीमान रांदचे कुडींत वापरपी धारेच्या सुर्यान नईमाचेर वार केलो. ह्या हल्ल्यांत नईमाक जाग्यारूच मरण आयलें. खून करून सलीम फरारी जालो. उपरांत ताका अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
