भांगरभूंय | प्रतिनिधी
पणजी : गोंयकारांक नुस्त्या बगर जेवण चलना. ताजें- फडफडीत नुस्तें मेळ्ळें काय ते नुस्त्या बाजारांतल्यानूच नुस्त्या कडी आनी भाजिल्ल्या नुस्त्याची रूच काडटात. मात ह्या नुस्तें मोगींक सोशल मिडिया वरवीं व्हायरल जाल्ल्या एका व्हिडीयोन धक्कोच दिला. ते तिडकीन फुरफुरल्यात.
अशें कित्याक तें पळोवया. एका नुस्तें विक्रेत्यान आपलो स्टॉल लायला. मुखारच्या कंटेनरांत नुस्तें आसा. व्हायरल जाल्ल्या व्हिडियोंत तो स्टॉलाच्या कुशीक आशिल्ल्या गटारांतल्यान बालद्यो भरून- भरून घाणयारें उदक काडून तें कंटेनरांनी घालतना दिसता. हो व्हिडिओ पॉवर हावज, आकें- मडगांवचो अशें व्हिडियो काडप्यान काडिल्ल्या व्हिडियोंत म्हणलां.
मजगतीं, हो व्हिडियो केन्नाचो हें समजूंक ना. मात सामान्य जनतेच्या जिवा कडेन खेळपी त्या विक्रेत्याचें कृत्य पळोवन कोणायकूय तिडक येतली. हो व्हिडियो विवीध सोशल मीडिया हँडलांचेर व्हायरल जायत आसा.
मजगतीं, ह्यान पयलीं मडगांवां फोर्मेलीनचो मुद्दो गाजिल्लो. तातूंतच आतां ह्या नुस्तें विक्रेत्याची अशीं बुरशेपणां पळोवन लोकां मदीं तिडकीचें वातावरण पातळ्ळां. अंबंदीत यंत्रणेन असल्या विक्रेत्यांचेर खर कारवाय करपाची मागणी लोक सध्या करतात.
व्हिडियो हांगा पळयात: https://www.facebook.com/share/r/16AACXFCgR/
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
