भांगरभूंय | प्रतिनिधी
मडगांवः चंद्रवाडा फातोड्डेंचो नेण्टो भुरगो इश्टां वांगडा गवळीवाड्यार तळयेंत पेंवपाक गेल्लो तेन्ना ताका बुडून मरण आयलें. झिहान हळ्ळीमणी (13) अशें त्या भुरग्याचे नांव.
मेळिल्ले म्हायती प्रमाण, झिहान आपल्या इश्टां वांगडा तळयेंत पेंवपाक गेल्लो. पेंवपाक तळयेंत देंवलो तेन्ना ताका उदकाचो अदमास येवंक ना. ताका लागून तो बुडपाक लागलो. ताच्या इश्टांनी मजती खातीर बोवाळ केलो. उपरांत थंय हजर आशिल्ल्या लोकांनी झिहानाक तळयेंतल्यान भायर काडलो. पूण तो बेशुद्ध जाल्लो. ताका बेगोबेग दक्षीण गोंय जिल्हो हॉस्पिटलांत व्हेलो, तेन्ना ताका मरण आयिल्ल्याचें दोतोरांनी सांगलें.
हे विशीं फातोड्यां पुलिसांनी म्हायती दिल्या आनी पुलीस फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
