भांगरभूंय | प्रतिनिधी
मडगांव: शिरोडा एज्युकेशन सोसायटी तरवळेंच्या नवदीप विद्यालयाचे मुळाव्या आनी शिशू विद्यालयाचें वर्सुकी स्नेहसंमेलन शुक्रार ता. 23 डिसेंबराक सांजेच्या 4.30 वरांचेर जातलें, अशें वेवस्थापक भालचंद्र नायक शिरोडकार हांणी सांगलें. ह्या स्नेहसंमेलनांत इनामां वाटप आनी उपरांत सांस्कृतीक कार्यावळी सादर करतले. मुखेल सोयरे मुख्याध्यापक मारीया मेंडोसा रॉड्रिग्ज जाल्यार खासा आमंत्रीत म्हणून सम्राट क्लब इंटरनॅशनलाचे राज्य अध्यक्ष शैलेश बोरकार आनी दुर्गेश नायक संस्थेचे अध्यक्ष दुर्गेश नायक हाजीर आसतले. हे कार्यावळीक सगळ्यांनी हाजीर रावचें ओ उलो मुख्याध्यापिका दिव्या भंडारी हांणी केलो. ही कार्यावळ विद्यालयाच्या तरवळे शिरोडा हांगच्या सभाघरांत जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
