भांगरभूंय | प्रतिनिधी
स्मार्टफोन आनी इंटरनेट आयिल्ल्याक तरणाट्यांचो चडसो वेळ सोशल मिडियाचेर वता. हो तांचे जिणेंतलो एक म्हत्वाचो भाग जाला. सोशल मिडियावर सेगीत वेळ घालयिल्ल्यान तरणाट्यांच्या मनार परिणाम जाता. ताका लागून तांचे मानसीक भलायकेचेर वायट परिणाम जाता.
एका अभ्यासांतल्यान कळ्ळां, सोशल मिडियाक लागून तरणाट्यां मदीं ताण वाडला. जाका लागून तांकां खुबश्या समस्यांक तोंड दिवचें पडटा.
सोशल मिडिया आनी ताण हांचे मदलो संबंद जाणून घेवया: सोशल मिडियाक लागून तरणाट्यां मदीं ताण वाडटा. सोशल मिडियाचेर चड वेळ घालयल्ल्यान चडशे तरणाटे अभ्यास, इश्टागत, कुटूंब वा हेर गजालीं पसून पयस वतात. ताका लागून ते एकटे पडटात आनी मानसीक समस्यांक बळी वतात. ते सोशल मीडियाचेर हेरांकडेन स्वताची तुळा करपाक लागतात. जाका लागून तांचे मदीं न्यूनगंड निर्माण जाता आनी हाका लागून ताण वाडपाक शकता.
रातचो उसरां मेरेन फोन वापरिल्ल्यान तरणाट्यांचो दीस विस्कळीत जाता अशें भलायकी तज्ञांचें म्हणणें आसा. हाका लागून तांकां जाय ती न्हीद मेळना आनी तांची चिडचीड जाता. कांय तरणाटे मध्यानरातीं २, ३ जाय मेरेन सोशल मिडिया पळयत जागेच आसतात. मोबायल स्क्रीन आनी सोशल मीडियाच्या वापराक लागून न्हिदेक मजत करपी हार्मोन मेलोटोनियम भायर पडना आनी उपरांत समस्या वाडपाक लागतात.
सोशल मिडियाक लागून ताण वाडपाचीं चार कारणां:
१. सोशल मिडियाचो वापर केल्ल्यान तरणाट्यांक कितें तरी चुकिल्ले वरीं दिसता. तांच्या ह्या भंयाक मानसीक ताण आनी चिंता अशें म्हणटात.
२. खुबशे फावटीं तरणाट्यांक सोशल मिडियाचेर ऑनलायन छळ आनी धमक्यांक तोंड दिवचें पडटा. जाका लागून मानसीक ताण वाडटा.
३. सोशल मिडियाचो सेगीत वापर केल्ल्यान न्हिद उणी जाता. रातचें उसरां मेरेन जागे रावल्यार थकिल्ले वरीं, लक्ष लागना आनी चाळवप जाता.
४. सोशल मिडियाक लागून तरणाट्यां मदीं असभ्यताय वाडटा. अश्यो जायत्यो समस्या जिणेंत येतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
