भांगरभूंय | प्रतिनिधी
भांगरभूंय । खबरां मेज
पणजीः तपोभूमी कॅलेंडर अभियानाच्या माध्यमांतल्यान घरानघर स्नेहभाव, धर्म घेवन वचात, जे कडेन वतले थंय धर्माच्यो गजाल सांगात. कॅलेंडराच्या निमतान हिंदूक वचून मेळात आनी वैदिक सनातन हिंदू धर्माचो प्रसार करात, असो सल्लो कुंडयच्या तपोभूमीचे स्वामी ब्रह्मेशानंद हांणी आपल्या अनुयायांक दिला. तपोभूमी कॅलेंडराची पयली मानकरी थारिल्ल्याचो भोवमान करपा खातीर कुंडय तपोभूमीत आयोजीत केल्ले कार्यावळींत स्वामी उलयताले.
श्री दत्त पद्मनाथ पिठान प्रकाशीत केल्ल्या ह्या कॅलेंडरांत दिसपट्टे जिणेक उपयुक्त आशिल्ली वेगवेगळ्या विशयांची म्हायती दिल्या, पंचांग, जात्रो, सण-उत्सव, लग्न, वास्तू म्हूर्त हाची म्हायती तातूंत दिल्या. कॅलेंडर वितरण फाटल्या 29 सप्टेंबराच्यान सुरू केल्लें.
जुवें आखाडा हांगची बायल उद्देजक मनिषा रमेश फडते तपोभूमी कॅलेंडर 2023च्यो पयली मानकरी थारल्या. बह्मेशानंद स्वामीचे हस्तुकीं तिचो भोवमान केलो. ह्या वेळार दत्त पद्मनाथ पीठ संचालक मंडळ हाजीर आशिल्ले. श्रीराज शेलार हांणी कार्यावळीचें सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
