भांगरभूंय | प्रतिनिधी
सुभाष फळदेसाय: संत समाज सांवड्डें वतीन विशेश संत समागम कार्यावळ दबाज्यान
भांगरभूंय । प्रतिनिधी
सांवड्डें: तपोभुमीचें कार्य अलौकीक दिवपी आसून राष्ट्रीय तशेंच आंतरराष्ट्रीय पांवड्यार पावलां. फक्त हिंदू धर्मा खातीरच न्हय जाल्यार समेस्त मनीसजातीच्या कल्याणा खातीर आसा. तरणाट्यांक राष्ट्रसेवे खातीर प्रेरीत करपाचें व्हड कार्य पू. ब्रह्मेशानंदाचार्य स्वामी हांच्या मार्गदर्शना खाला चालू आसा. हाची साक्ष आपूण स्वता घेतां अशें समाज कल्याण मंत्री सुभाष फळदेसाय हांणी सांगलें.
पू. स्वामीजींच्या कृपाशिवार्दान सुदेश खुशाली नायक हांच्या आवय-बापायच्या पुण्यतिथी निमतान श्रीदत्त पद्मनाभ पीठ, तपोभुमी संचलीत संत समाज सांवड्डें हांचे वतीन विशेश संत समागम तशेंच किर्तन शेल्डें कुडचडें हांगासरल्या तांच्या घरा जालें.
ह्या वेळार समाज कल्याण मंत्री सुभाष फळदेसाय, कुडचडेंचे आमदार निलेश काब्राल, हभप किरण कुंभार, कमलाकर केणी, प्रकाश पाटील, संचालक रमेश फडते, समाजीक विभागाचे अध्यक्ष सच्चिदानंद नायक, सचीव वासुदेव गांवस, कृपाकांक्षी पांडुरंग उत्तुरकर, उद्देजक राजेंद्र सावे, रवी किरमीटे, सिद्धारुढ संप्रदायाचे राजेंद्र नायक, श्रीनिवास पाटील बी मानेस्त हाजीर आशिल्ले.
श्री दत्तपद्मनाभ पीठ हे गोयचें भूषण आसा. अध्यात्मीक विद्या हो तपोभुमी गुरुपिठाचो प्राण आसा. स्वामीजी आपल्या दिव्य बोधामृतांलल्यान, मार्गदर्शनांलल्यान भक्तांक, शिश्यांक ‘देवत्वाची दीक्षा’ दीत आसतात. पुज्य सद्गुरुंच्या मार्गदर्शनान तपोभुमी भारतांतच न्हय जाल्यार विदेशांतूय ज्ञानमृत दिवपी गुरुपीठ म्हूण वळखीचें जालां अशें किर्तनकार किरण कुंभार हांणी म्हणलें.
पालघरचे कमलाकार केणी, प्रकाश पाटील, गोपीनाथ नायक हांचो मंत्री सुभाष फळदेसाय हांचे हस्तुकीं भोवमान केलो. कार्यावळीची सांगता शांतीपाठ, आरती, दर्शन आनी महाप्रसादान जाली. सुत्रसंचालन सचीन गांवकार हांणी केले. जाल्यार कार्यावळीचे उपकार सुदेश नायक हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
