भांगरभूंय | प्रतिनिधी
नवी दिल्ली, खबरां संस्था ः भारतीय तटरक्षक दळांन (Coast Guard) सहाय्यक कमांडंट- जनरल ड्यूटी तशेंच टेक्निकल (इंजिनियरिंग आनी इलेक्ट्रिकल/इलॅक्ट्रॉनिक्स) हांची भरती करपा खातीर अर्ज मागयल्यात. पात्र उमेदवारांनी 24 डिसेंबर 2024 मेरेन joinindiancoastguard.cdac.in ह्या अधिकृत संकेतथळाक भेट दिवन अर्ज करूं येता. हांतूत वट्ट 140 पदां भरतले. हातूंत जनरल ड्यूटी कमांडंट खातीर 110 आनी टेक्निकल खातीर 30 पदांचो आस्पाव जाता.
शिक्षणीक पात्रताय –
सामान्य कर्तव्यां खातीर मान्यताय मेळिल्ल्या विद्यापिठाची पदवीधर पदवी आसप गरडेचें आसा. हांतूत गणित आनी भौतिकशास्त्र सक्तीचें आसा. 21 ते 25 वर्सां पिरायेच्या गटांतल्या उमेदवारांक जनरल ड्युटी पदां खातीर अर्ज करपाक मेळटा. राखीव उमेदवारांक पिरायेची सवलत दितले. 1 जुलय 2025 मेरेन 21 ते 25 वर्सां पिरायेच्या अर्जदारांक टेक्निकल पदां खातीर अर्ज करपाक मेळटा. राखीव उमेदवारांक पिरायेची सवलत दितले.
निवड प्रक्रिया –
निवड प्रक्रियेंत कोस्ट गार्ड कॉमन एडमिशन टेस्ट (CGCAT) खातीर हाजीर रावप गरजेचें. ही संगणकाचेर आदारीत चांचणी आसतली. शॉर्टलिस्ट केल्ले उमेदवार प्राथमीक निवड मंडळांत (पीएसबी) वतात, मागीर तांतूत संज्ञानात्मक चांचणी आनी गट चर्चा आसता.
अर्ज शुल्क –
भारतीय तट रक्षक सहाय्यक कमांडंट पदां खातीर अर्ज करपी उमेदवारांक 300 रुपया अर्ज शुल्क भरचें पडटलें. पूण एसटी, एससी वर्गांतल्या उमेदवारांक शुल्कांतल्यान सुट दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
