भांगरभूंय | प्रतिनिधी
सर्वोच्च न्यायालयाचे सरकाराक निर्देश
नवी दिल्ली, खबरां संस्था ः केंद्र सरकारान खंयचेय परिस्थितींत भारतीय तटरक्षक दळांतल्या बायलांक स्थायी कमिशन दिवपाक जाय. बायलांक फाटीं दवरपाक मेळचें ना. सरकाराक जर हें जमना जाल्यार आमी करतां, अश्या खर शब्दांनी सरन्यायाधीश धनंजय चंद्रचूड हांच्या तीन वांगड्यांच्या पिठान सरकाराक निर्देश दिल्यात. बायल अधिकारी प्रियंका त्यागी हांच्या तटरक्षक दळांतल्या स्थायी कमिशन विशींचे याचिके वयले सुनावणेंत कोर्टान हें स्पश्ट केलें. अॅटर्नी जनरल आर. वेंकटरमाणी हांणी एसएससी ऑफिसर्साक स्थायी कमिशनांत कार्यात्मक पांवड्यार आडखळी आसात, अशें सांगलें.
सुप्रीम कोर्टान नौदळांतल्या निवृत्त बायलां अधिकार्यां खातीर स्थायी कमिशना खातीर नव्या निवड मंडळाचे स्थापनेचे निर्देश दिल्यात. सरन्यायाधीश धनंजय चंद्रचूड हांच्या पीठा मुखार कमोडोर सीमा चौधरी हांचे याचिकेचेर सुनावणी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
